Prezidente
Filipina nian, Rodrigo Duterte, husu iha loron-domingu ne'e deskulpa ba
komunidade judia tanba nia komentáriu ne'ebé nia halo komparasaun ho Adolf
Hitler no tau holokaustu hanesan modelu ba nia kampaña hasoru narkotráfiku.
Duterte
afirma iha loron-sesta katak "gosta oho" ema toxikodependente sira
hamutuk millaun tolu ne'ebé maka moris iha nasaun, hanesan ho asaun ne'ebé maka
líder nazi halo ba ema judeu millaun resin hodi "salva jerasaun foun sira
ne'ebé lakon".
"Ha'u
laiha hanoin atu halo difamasaun ba memória hosi ema judeu millaun neen resin
ne'ebé ema alemaun sira oho", hatete hosi Prezidente Filipina nian iha
inaugurasaun hosi festival ida iha Nogros Osidental, iha sentru arkipélagu
nian.
"Ha'u
husu deskulpa maka'as ba komunidade judia", Duterte hatete iha deklarasaun
sira ne'ebé halo ba televizaun GMA ne'ebé haktuir hosi ajénsia EFE.
Duterte
konsidera katak kampaña ne'ebé nia hahú iha fulan-Juñu hodi halakon ho tráfiku
droga sira nian iha nasaun ne'e hanesan importante.
Tuir
númeru ofisial sira, tráfiku droga halo ona ema na'in 3.500 resin mate.
SAPO
TL ho Lusa
Sem comentários:
Enviar um comentário