segunda-feira, 13 de março de 2017

PM Rui Louva PR Taur Halo Balansu Ba Governasaun

PARTILHAR
DILI – Primeiru Ministru (PM) Rui Maria de Araujo louva Xefi Estadu Taur Matan Ruak halo balansu durante tinan lima, ba governasaun diak tebes.

Lia hirak nee hatoo husi PM Rui, ba Jornalista sira hafoin remata komemorasaun loron internasinal feto, iha Timor Plaza, Dili, Sesta (10/03/2017).

Prezidente Republika ninia mensazen hanesan Xefei Estadu halo balansu ba tinan lima governasaun ninia diak tebes, Prezidente mos hateten rasik durante ida nee, serbisu neebe Prezidente halo, relasaun ho orgaun soberanu sira seluk, wainhira buat ruma lao la los halo kritika frontal ho onestu,” hateten PM Rui.

Xefi Governu nee mos aumenta tan katak, relasiona ho Xefi Estadu nia deklarasaun katak governu halo duni dezenvolvimentu ba infrastrutura, maibe infrastrutura baziku la iha, nee Prezidente hateten, maibee publiku maka sei halo avaliasaun, katak buat neebe prezidente hateten nee onestu duni ka lae, depois publiku maka hare.

Iha parte seluk Observador Politiku (UNITL) Jose de Oliveira hateten husi Primeiru governu too agora serbisu lao diak, maibe sira nia implementasaun no ejekusaun OJE maka fraku.

Nune mos Ativista Leon da Costa, hateten nasaun barak fo apoiu osan ba TL, hodi hadia dezenvolvimentu ba povu no nasaun ida nee. Joao Anibal

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: