segunda-feira, 13 de março de 2017

APOIANTES LU-OLO IHA VIQUEQUE BANJIR, UATU-LARI DOMINA

PARTILHAR
Apoiantes, militantes no simpatizantes Kandidatu Prezidenti Repúblika (KAPRES) númeru 2, Francisco Guterres ‘Lu-Olo’, ne’ebé partisipa iha kampaña, KAPRES Lu-Olo, iha Munisípiu Viqueque suli mai hanesan mota (banjir), ne’ebé lakon nia rohan.

Apoiante sira ne’ebé mak partisipa iha kampaiña KAPRES Lu-Olo nian iha Viqueque ne’e mai husi, Uatu-Lari, Uato-Carbau, Ossu, Lakluta no Viqueque.

Kampaiña Lu-Olo nian ne’e, hala’o iha Kampu Merdeka Viqueque Vila (igreja nia kotuk), tanba kampu ne’e resin. Tamba resin tiha kampo, nune’e apoiantes no simpatizantes Lu-Olo, mai husi Partidu FRETILIN, CNRT, CASDT, PEP, no UNDERTIM, balu tenki sa’e iha komunidade nia uma leten, no balu okupa to’o iha Igreja Viqueque nia oin.

Maske loron manas tebes, maibé apoiantes sira lakohi ses husi kampu ne’e, maibé, sira kontinua hamriik sena malu, hodi hamrik iha kampu ne’e nia laran.

Antes KAPRES Lu-Olo to’o iha fatin kampaña, simpatizante sira nakonu ona iha kampu merdeka nia laran, hodi tebe dahur iha loron manas nia laran, kuaze oras rua.

Lu-Olo to’o iha Sede FRETILIN Viqueque iha oras tuku 12:15 Otl, hodi simu direita husi komunidade no lia na’in sira iha Munisípiu ne’e, hodi fó hatais ho kultura Munisípiu ne’e nian.

Hafoinn fó hatais, Lu-Olo ne’ebé akompaña husi nia militantes no simpatizantes sira, no membru CCF  sentral, la’o husi sede FRETILIN Munisípiu ne’e nian, hodi mai iha fatin kampiña. Maske distánsia husi sede FRETILIN nian ho fatinn kampaña besik tebes, maibé tenki lori oras ida mak to’o, tanba apoiantes no simpatizantes iha estrada klaran nakonu tebes hodi la’o ladiak.

Lu-Olon to’o iha fatin kampaiña iha oras tuku 13:35 Otl, hodi simu direita husi grupu dansa tradisionál sira, no hetan apresiasaun husi militante sira ne’ebé hanesan ema ida de’it iha kampu merdeka ne’e nia laran.

Bainhira kampaina la’o to’o klaran, udan bo’ot mos tau dada’uk, maibe apoiantes no simpatizantes Lu-Olo nian la halai ses husi fatin kampaina.

Haree udan bo’ot tau dada’uk, Alkatiri  husu ba apoiantes sira katak, labele halai, tanba uluk kilat musan, FRETILIN la halai.

“Labele halai, udan ne’e Kalohan mak komesa naben dadauk ona, bainhira Kalohan naben hotu, fitun mutin barak mak sei sai iha leten ne’ebá,” katak Alkatiri.cos

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: