DILI,
(ANTIL) – Prezidente Comissão Nacional de Eleição (CNE), Alcino Barris
hatete, bainhira kandidatu sira ho intensaun involve labarik ho idade
minoridade iha kampaña eleisaun prezidensiál, konsidera viola labaraik sira nia
direitu.
“Durante
kampaña mak kandidatu balun ho hakarak involve labarik sira atu aumenta númeru,
konsidera viola labarik sira nia direitu”, Prezidente CNE ba jornalista sira
iha sentru mídia CNE, Sesta (10/3).
Ámbitu
kampaña eleitorál presiza haree situasaun rua, kandidatu sira mak mobiliza
labarik involve kampaña eleitorál no fatin kampaña ne’ebé besik área ne’ebé
sira hela ba hodi aproveita labarik, la-di’ak ba labarik sira.
Bainhira
labarik mak partisipa kampaña no sei akontese ameasa ba vida kuandu mosu
asidente tránzitu ruma iha konvoiu no krime ruma ne’ebé bele akontese, katak
tan.
Apoiante
no simpatizante sira, tantu idade ne’ebé minoridade no adultu la respeitu regra
tránzitu no irregularidade ruma, atua ho baze legál kona-ba dekretu governu
númeru 5/2017 no despasu Primeiru ministru, Rui Maria de Araújo nian.
Kampaña
eleitorál hala’o ona durante loron ualu, hahú 3 Marsu no sei ramata 17 Marsu.
Entretantu eleisaun prezidensiál sei akontese iha 20 Marsu. (Jornalista: Zezito
Silva - Editora: Rita Almeida)
Foto:
Prezidente Comissão Nacional de Eleição (CNE), Alcino Barris. Foto CNE
Sem comentários:
Enviar um comentário