terça-feira, 11 de abril de 2017

Sosiedade Sivil Rekoinese Gap Akontese Kapital-Rural

PARTILHAR
DILI – Sosiedade sivil Timor Leste konsidera, ukun-an tinan 15 ona, maibe Gap entre kapital no area rural kontinua mosu, tanba impaktu husi politika sentralizadu.

Tuir Diretor Ezekutivu FONGTIL (Forum Organizasaun Naun Governamental Timor Leste), Arsenio Pereira hatete nesesidade baziku povu hanesan asesu ba edukasaun, saude, eletrisidade, estrada no bee moos sai sasukat ba gap entre kapital no rural.

Ita hotu haree katak Gap entre kapital no area rural nee iha, diferensia boot nee ita bele haree iha area rural, asesu ba edukasaun dalaruma ladun diak, saude, eletrisidade, estrada, bee moos,” dehan Arsenio, ba STL iha nia knar fatin, Caicoli-Dili, Segunda (10/04/2017).

Arsenio afirma, maibe rekoinese katak buat hotu mosu laos sai hanesan fila liman, maibe mai ho konstrusaun estadu ho dezenvolvimentu neebe ukun-an tinan 15, labele kompara ho nasaun seluk.

Iha fatin ketak, Sekretariu Nasional Rede Edukasaun (SNRE), Jose de Jesus esplika, dezenvolvimentu em jeral lao diak, maibe liu-liu seitor edukasaun entre kapital no rural mak kontinua sai problema. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: