terça-feira, 11 de abril de 2017

Petrolíferu australianu sei investe dolar millaun 150 iha Timor-Leste

PARTILHAR
Petrolíferu australianu Timor Resources Holdings sei investe dolar millaun 150 iha explorasaun petróleu ho gás iha Timor-Leste, hein hahú produsaun iha tinan haat oinmai iha área ida ho rihun rua kilómetru kuadradu.

Akordu ba produsaun asina ona iha loron-sesta hosi prezidente Nepean (detentora da Timor Resources Holdings), David Fuller,no hosi Governu Timor-Leste, reprezenta hosi primeiru-ministru Rui Maria de Araújo.

Empreza sosa ona liu 50% iha bloku prospetivu rua iha rai, ne'ebé proteje rihun rua resin kilómetru kuadradu iha rejiaun ida ne'ebé iha bolsa 60 resin petróleu nian, no kalkula hahú "lalais" serbisu sira.

Governu Timor-Leste tenta hela, iha tinan hirak ikus ne'e, hamosu interese iha explorasaun petrolíferu hodi konkretiza ideia hodi estabelese pasajen petróleu ida iha kosta-súk, inklui baze ida apoiu nian, refinaria ida, sentral ida hosi Gás Natural Líquefeito (GPL) no petrokímika, no rede ida hosi estasaun sira kombustível nian, obra ida ne'ebé nia folin bele to'o dolar biliaun 82.

Akordu ne'ebé asina ona vale ba tinan tolu, no envolve estudu sira, serbisu sísmiku sira no posu ida explorasaun nian ne'ebé envolve investimentu ida ho pelumenus dolar millaun 60, hatete hosi diretora ezekutivu hosi Timor Resources Holdings, Suellen Osborne.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: