Baucau
(TATOLI) – Bispu Dioseze Baucau, Don Basilio do Nascimento hateten,
eleisaun prezidensiál ne’ebé povu Timor-Leste hakat ona, hatudu konsiénsia
Timoroan hodi rezulta páz atu halo mudansa dezenvolvimentu.
“Eleisaun
prezidensiál hatudu marka pozitivu hosi Timoroan mezmu dezentendimentu oituan,
signifika, restaurasaun independénsia durante tinan 15 iha valór ba povu
tomak,” informa Bispu Don Basilio do Nascimentu ba Ajénsia Notisioza TATOLI iha
nia Rezidensia, Baucau, Kinta, (06/04/2017).
Tuir
Amu Bispu, afirmasaun independénsia lori tempu hodi manan, nune’e Timoroan
tenke hola konsiénsia atu lolo liman ba malu hodi liberta povu hosi kiak no
mukit.
Mudansa
mentalidade hosi Timoroan kria ona konsiénsia, hari’i páz hodi moris iha
estabilidade nia laran.
“Wainhira
ita funu hela de’it, baku malu nafatin, ita sei la atinje objetivu ukun rasik
an, maibé ema hotu kuandu hola ona konsiénsia povu sei moris di’ak no
trankuilu” Don Basilio hateten.
Nia
hatutan, eleisaun prezidensiál la’o hakmatek hanesan sinál di’ak ba Timoroan
tomak hodi hola konsiénsia mezmu ideolojia polítika lahanesan maibé objetivu ba
povu nia moris di’ak.
Ezemplu
iha Munisipiu Aileu, komunidade sira kuda modo barak, kompañia sira ba hola
hodi hatama rendimentu ba povu sira, signifika katak kuandu empregu iha ema sei
la halo problema iha sosiedade nia leet.
“Kuandu,
ha’u rona belun sira hosi Komunidade Lian Portugues hateten mai ha’u nune’e,
imi foin mak ukun an tinan 15 maibé imi liu ona ami dúke ami ne’ebé ukun an ona
tinan barak maibé sei sabraut” nia haktuir.
Entretantu,
iha tinan 2002 to’o 2008 sempre iha problema tanba mentalidade ladauk
preparadu, signifika mai ho klima violénsia maibé tenke aprende moris iha
demokrásia no aprende moris foun iha nasaun laran. (Jornalista: Zezito Silva /
Editor: Gantry Meilana)
Foto:
Eleitor feto ne'e ko'us hela nia oan wainhira vota ba sentru votasaun iha Villa
Verde, Dili iha Eleisaun Prezidensial 20 Marsu 2017. Photo: TATOLI / Antonio
Goncalves
Sem comentários:
Enviar um comentário