sexta-feira, 12 de maio de 2017

Eleisaun Suku Foun Sei Akontese Ínisiu Juñu

PARTILHAR

DILI, (TATOLI) – Reuniaun Konsellu Ministru extra-ordinariu aprova dekretu governu kona-ba eleisaun lideransa komunitáriu ba suku foun sia sei monu iha loron 2 fulan-juñu tinan ne’e.

“Dekretu governu aprova ona hosi Konsellu Ministru kona-ba loron ba realizasaun reuniaun asembleia aldeia no konsellu suku atu hili lideransa komunitáriu ba suku sia foun”, hatete Vise-Ministru Administrasaun Estatál, Tomas Cabral ba jornalista sira ohin iha Palásiu Governu.

Eleisaun suku, governu aprova ona rezolusaun ida ba suku sia ne’ebé ho diploma ministeriál, enkuantu suku anteriór hamutuk 442. Ho aumentu ne’e, totál suku 541 no aldeia hamutuk 2,233.00 iha teritóriu.

Diploma ho númeru 16/2017 iha 30 marsu ne’ebé f ó sai kona-ba rekoñesimentu suku no aldeia foun hosi munisípiu Dili, Manatutu, Aileu no Viqueque.

Jornalista: Zezito Silva | Editora: Rita Almeida

Foto: Enkontru Konsellu Ministru extra-ordinariu, ohin. Foto Gabinete Primeiru Ministru
PARTILHAR

Author: verified_user

Publicação luso-timorense sem fins lucrativos

0 comentários: