DILI –
Relasiona ho Notifikasaun Tribunal Distrital Dili, neebe parlamentu Nasional
seidauk responde sai hanesan dezafiu boot ba iha Parlamentu Nasional atu
defende Sistema justisa iha rai laran.
Tuir
Diretor Ezekutivu JSMP Luis Oliveira Sampaio ba jornalista iha nia knar fatin
kolmera, Tersa (09/05) hatete atu aselera funsionamentu justisa iha Timor leste
labele iha interpretasaun imunidade politiku husi membru Governu no membru
parlamentu sira nian.
Ukun
nain sira uza Imunidade atu proteze sira nia a’an durante tinan tomak, sira iha
Parlamentu Nasional no iha governu lakoi hatan iha tribunal ba notifikasaun
neebe tribunal haruka ba sira ida nee mak dezafiu neebe agora dadaun ita
hasoru,” dehan Luis.
Nia
hatete la iha buat ruma labele akuza sira, tuir lolos buat neebe ligasaun ba
iha krimi sira tenki ba hatan iha tribunal, maibe buat neebe akontese agora oin
fali seluk.
Iha
fatin ketak Xefi Bankada Fretilin, deputadu Aniceto Guteres hatete atu
hasai imudidade Eis Prezidente PN Vicente nian, sosiedade sivil sira
kestiona dehan katak tribunal fo ona karta maibe deputadu sira laiha resposta
ida nee lae.
Nunee
mos Deputadu Francisco Miranda Branco husi Bancada FRETILIN hatete kona ba
sosiedade sivil sira kestiona ba atu hasai imunidade Eis Prezidente Parlamentu
Nasional nian Tribunal fo ona karta atu hasai imunidade. Domingos
Piedade/Guilhermina Franco
Suara
Timor Lorosae
Sem comentários:
Enviar um comentário