sexta-feira, 12 de maio de 2017

Kapela Fátima iha Indonézia sei inaugura iha fulan-Outubru

PARTILHAR
Kapela ida ho homenajen ba Senhora de Fátima, iha illa indonézia Flores, sei inaugura iha fulan-Outubru, durante selebrasaun tinan 100 ba "aparisaun sira" marianu nian iha Cova da Iria, iha Portugal, fó sai hosi bispu lokal iha loron-kinta ne'e.

Iha deklarasaun sira, liuhosi telefone, ba Lusa, Franciscus Kopong Kung explika ona katak templu foun konsagradu ba Senhora de Fátima sei hotu to'o iha fulan-Outubru nia rohan.

"Hanesan ami nia homenajen ba Fátima no ba buat hotu ne'ebé Nossa Senhora fó mai ami", afirma hosi Kopong Kung.

Kapela Fátima nian iha estrutura ida ho vidru no situa iha Santo Domingo nia tutun ne'ebé muda ona naran ba Foho Fátima nian.

Iha katedral Larantuka nian, fatin ne'ebé iha naran koñesidu "sidade hosi igreja rihun resin", iha imajen hosi nossa senhora de Fátima ne'ebé oferese hosi santuáriu portugés no sai hanesan objetu venerasaun regular hosi fiar-na'in sira.

Illa Flores koñesidu ho selebrasaun relijiozu maka'as iha Semana Santa, ne'ebé dada turista no peregrinu millaun resin, no uluk hanesan ona kolónia portugeza to'o sékulu XIX nia klaran.

Iha loron-sesta no loron-sábadu, papa Francisco partisipa iha selebrasaun sira tinan 100 nian hosi "aparisaun sira" marianu nian iha Cova da Iria, ne'ebé sei hanesan vizita dahuluk ba Portugal.

Iha loron 13, Francisco sei prezidi serimónia sira kanonizasaun ba Francisco no Jacinta Marto, labarik na'in rua hosi labarik na'in tolu ne'ebé hanesan orijen hosi fenómenu Fátima nian iha tinan 1917.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: