Kazu Emilia Iha Hela Prosesu Rekursu

DILI – Kazu Eis Ministra Finanasas Emilia Pires oras nee iha hela prosesu rekursu nia laran tanba nee, Judicial System Monitoring Program (JSMP) husu ba Parlamentu Nasional (PN) apoiu Prezidente Tribunal Rekursu (PRT) foun hodi halo servisu ho didiak.

Tuir Diretor Ezekutivu Judicial System Monitoring Program (JSMP), Luis Oliveira Sampaio katak, hanesan sosiedade sivil neebe durante nee monitor ba area justisa nian katak kazu Emilia nian iha hela prosesu.

Kazu Eis Ministra Finansas, Emilia Pires nian oras nee iha rekursu hela tanba nee laos laiha,” dehan Luis ba diariu STL iha nia knar fatin, Colmera-Dili, Kinta (11/05/2017).

Luis haktuir, Kazu Eis Ministra Finansas, Emilia Pires nian iha hela rekursu tanba nee ita tenke hein. Tanba nee tuir lolos Parlamentu Nasional tenke apoiu nomeasaun ba Prezidente Tribunal rekursu foun nee.

Iha Fatin ketak, Observador Politik-UNDIL, Francisco Mausoro dehan, kazu Eis Ministra Finansas, Emilia Pires nian nee tuir lolos governu tenke halo akordu extradisaun ho Portugal hodi bele lori Emilia fila mai Timor. Raimundo S. Fraga

Suara Timor Lorosae