sexta-feira, 12 de maio de 2017

KISTP ho KITL Kria Relasaun Liu Husi Asina Akordu

DILI — Konselu Imprensa husi nasaun Comunidade Pais Lingua Portugesa (CPLP), liu husi Konselu Imprensa Sao Tome Principio hakarak kria relasaun ho Konselu Imprensa Timor Leste, ho objetivu atu kria relasaun entre nasaun rua nomos kontribui ba komunikasaun.

Lia fuan hirak nee hatoo husi Prezidenti Konselu Imprensa Sao Tome Principio Dr.Jesuley Patrick Lopes ba jornalista sira depois remata asina akordu entre KITL no KISTP nebe halao iha edifisiu KITL Quintal Bot Dili Kinta, (11/05/2017).

Objetivu ami mai iha Timor Leste iha prinsipiu fundamental rua. Ida maka hanesan kria relasaun diak entre nasaun Sao Tome Principio no nasaun Timor Leste iha areia komunikasaun social nian. Segundu maka atu planu kria kontribuisaun ba komunikasaun diak iha nasaun TL no Mosambique nian,” nia dehan.

Iha fatin hanesan Konselu Imprensa husi Indonezia Ahmad Djouhar deklarasaun Dili nudar inisiativa neebe diak atu bele refleta ba aniversariu KITL, tamba nee maka hetan konvida mai iha Timor. Mehi neebe konselu imprensa azia nian maka sei loke dalan ba Timor Leste atu sai membrus konselu imprensa aziatiku.

Prezidente Konselu Impresa Timor Leste Vergilio Guterres reforsa, reguladora konselu imprensa husi nasaun Sao Tome Principio no Timor Leste hanesan dalan ida atu loke amijade nasaun rua nee. Akordu nee loke dalan ba malu atu fahe informasaun no fahe esperensia ba malu konaba komunikasaun imprensa nebe lao iha nasaujn rua nee. Justinho Manuel

Suara Timor Lorosae

Sem comentários: