KNDL Sei Foti Sansaun Hasoru ParPol

DILI (TATOLI) - Komisaria Komisaun Nasionál Diretu Labarik (KNDL), Maria Barreto husu ba Partidu Polítiku (ParPol) iha elisaun lejislativu, fulan oin mai, la bele uza labarik sira ba kamapaña, aktu refere viola direitu Labarik, bainhira involve labarik, KNDL sei foti sansaun hasoru ParPol.

“Mensagen ida hodi bolu ba partidu politiku sira hotu, Inan Aman no komunidade inklui militantes partidu politiku sira atu labele involve labarik sira iha tempu kampañia,”dehan Nia iha Palasiu Governu Dili, Kuarta (24/05).

Bainhira involve labarik iha kampaña hanesan Labarik husi tinan 16 mai kraik, hatudu violasaun hasoru direitu labarik tanba entre idade 16 mai kraik labarik iha Diretu atu moris livre tuir planu asaun ba diretu labarik.

Atu protégé diretu labarik nia iha kampaña KNDL husu presiza kolaborasaun husi partidu politiku, komunidade no familia, hodi prevene kazu violasaun hasoru diretu labarik ba atividade partidu politiku.

Kampañia ba eleisaun Parlamentár iha fulan oin sei hahu antes tama ba loron eleisaun iha 22 Jullu 2017, tamba ne’e Partidu Politiku sira tenki hapara politika ba involvimentu labarik iha kampañia partidu Politiku.

Bainhira ParPOl sira kontinua viola lei hodi involve labarik iha kampañia, maka komisaun Nasionál sei foti sansaun forte.

Iha parte seluk, violasaun ba labrik ne’ebé oras ne’e komisaun rejistu hosi janeiru to’o oras ne’e hamutuk kazu hitu.

Entre kazu hitu Komisaun simu keixa husi labarik no familia sira no husi kazu hirak maioria refere ona ba Ministeriu publiku para prosesa tuir lei ne’ebe maka vigora.  Aleinde ne’e,  refere mós ba NGO ALFELA no FOKUPERS.

“Kazu hirak ne’e violasaun sexsual hasoru labarik, trafiku hasoru labarik no trabalho infantil,” Barrerto konta tuir hodi hatutan iha tinan kotuk kazu trafiku hasoru labarik barak liu, maibé konsege halo akompañiamentu.

Jornalista: Agapito dos Santos | Editór: Manuel Pinto

Foto: Komisaria Komisaun Nasionál Diretu Labarik (KNDL), Maria Barreto