quarta-feira, 24 de maio de 2017

Taur Sai Rival Foun Ba Xanana-Alkatiri Elpar 2017

PARTILHAR
DILI – Oras nee Eis Prezidente Republika, Taur Matan Ruak iha ona nia partidu, mak Partidu Libertasaun Popular (PLP) no nia (Taur) duni, mak sai Prezidente PLP atu kompete iha Eleisaun Parlamentar (Elpar) 2017.

Tuir Observador Politika-UNTL, Victor Soares hatete, agora partidu sira barbarak nee ema lahare liu ba planu no programa, maibe ema haree liu ba figura.

Partidu CNRT figura Xanana no Partidu Fretilin figura Alkatiri, Taur sai rival foun ba partidu boot rua nee iha eleisaun parlamentar,” dehan Victor ba Diariu STL iha nia knar fatin Kampus Lama-UNTL, Caicoli-Dili, Tersa (23/05/2017).

Observador Politika nee haktuir, razaun Taur sai realidade foun tanba durante Taur nia mandate hanesan Prezidente Republika konsege vizita suku 442 iha teritoria Timor laran tomak. Nia salenta, rivalidade husi figura tolu nee sei lafoimpaktu negative stabilidade ba seguransa rai laran liliu militante sira husi partidu politik tolu hanesan Fretilin, CNRT no PLP.

Iha fatin ketak, Reprezentante Programa Ofiser AJAR, Inocencio Xavier esplika, wainhira akontese isu katak Taur Matan Ruak nia partidu mak PLP. Entaun iha nee orgaun soberanu haat nee lao komesa ladun diak ona, hahu husi diskursu estadu nian iha PN indika familia Xanana no Mari kaer projetu boot. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: