Governu Presija Muda Lei Salariu Minimu

DILI - Reprejentante juventude husi Suku Comoro sujere ba governu liu husi Sekertariu Estadu para Politiku Formasaun Profesional Empregu (SEPFOPE), presija muda lei salariu minimu neebe governu implementa laiha benefisiu ba povu.

Lia fuan hirak nee hatoo husi Abrao Francisco da Costa ba STL iha sede Suku Komoro Segunda, (22/05/2017). Nia hatutan tan katak, salariu minimu nebe governu implementa iha instituisaun no ba empreja sira nebe ho montante osan $ 1.15 lafo benefisiu diak ba povu. Tamba nee presija halo mudansa atu ema hotu bele hetan benefisiu.

Tuir hau nia hare katak Salariu minimu nebe governu liu husi Sefope implementa $ 1.15 nee lafo benefisiu ba povu kikoan sira. Tamba realidade nebe maka iha oras nee dadaun vida moris karun liu tamba nee maka salariu minimu nee ladun sufsiente, tamba nee maka husu ba governu atu hasae salariu minimu $ 115 sai ba $150 atu nunee it abele muda ita nia moris lor-loron,” nia dehan.

Iha fatin neebe lahanesan Sekertariu Jeral Konfederasaun Sindikatu Timor Leste (KSTL) Jose Conceicao da Costa hateten los duni katak salariu minimu neebe governu implementa iha instituisaun estadu no instituisaun seluk $ 115 nee ladun fo benefisiu ba trabalhadores sira Timor oan nebe mak servisu iha Timor.

Reprejentante Igreja Katolika husi Madre Canociana Me. Guilhermina Marcal reforsa tan katak, salariu minimu neebe governu implementa nee, tamba hare ba realidade real neebe iha. Justinho Manuel

Suara Timor Lorosae