quarta-feira, 24 de maio de 2017

Prezidente Eleitu Lu-Olo Maka Povu fo Fiar

PARTILHAR
DILI - Reprejentante Komunidade Suku Komoro fiar ba Prezidente eleitu Francisco Guterres Lu-Olo, neebe povu rasik hili liu husi eleisaun prezidente iha Marsu liu ba, maibe ho esperansa katak nia sei halo buat ruma ba povu durante nia mandatu remata tinan lima.

Lia fuan hirak nee hato husi Abel P. Pereira Belo ba STL iha Sede Suku Komoro Dili Tersa, (23/05/2017). Nia hatuir tan katak, povu fo ona fiar ba prezidente foun Lu-Olo maibe prezidente tenki servisu makas no povu mos iha kontribuisaun masimu ba programa sira nebe prezidente iha durante nia mandate tinan lima nia laran.

Hau nudar povu babain hau fiar no iha esperansa duni ba senhor Lu-Olo nudar prezidente eleitu liu husi elisaun prezidensial. Ami hili tamba ami fo fiar ba nia atu bele lori povu nia aspirasaun ba governu liu husi dejenvolvimentu sira nebe maka iha oras nee dadaun. Parte seluk maka husu atu hare didiak konaba pensaun vitalisa no lei rai ninian nebe oras nee sai polimika tebes,” nia dehan.

Iha fatin ketak, Xefe Suku Kampo Alor Postu Administrativu Don Aleixo Alcina Carvalho dos Santos reforsa, nudar lideransa komunitaria suku hamutuk xefe aldeia, reprejentante juventude feto no mane, lia nain no delegada, delegadu kontente teb-tebes tamba Prezidente Republika neebe agora kaer ona pasta ba prezidente republika Timor.

Xefe Suku Bidau Sentana, Joao Paulo S. de Andrade, husu ba Prezidente foun atu servisu ho responsabilidade. Nunee mos iha esperansa katak nia sei bele muda buat balun iha nia mandatu tinan lima nia laran. Tamba nia ema ida nebe iha esperensia barak ona durante tinan lima lidera parlamentu nasional. Justinho Manuel

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: