Iha
loron-tersa ne'e, primeira-ministra británika, Theresa May, kondena ona
atentadu ne'ebé akontese iha konsertu ida nia rohan iha Manchester hanesan
"asaun teror prejudisial" ida tanba hasoru joven no labarik sira.
Nia
subliña katak "atake terorista tomak hanesan devastador", May
konsidera ona katak ne'e destaka "tanba asaun teror prejudisial ne'ebé
halo hosi ema ida hasoru joven sira no labarik sira", May hatete iha
deklarasaun ba nasaun iha Londres.
Suspensa
kampaña ba lejislativu antesipadu
Kampaña
ba lejislativu sira ne'ebé antesipadu iha Reinu Unidu, ba loron 08 Juñu, hetan
suspensu hafoin explozaun ida iha loron-segunda ne'ebé halo ona pelumenus ema
na'in 22 mate no na'in 59 kanek iha konsertu ida nia rohan iha Manchester.
Explozaun,
ne'ebé akontese iha tuku 22:45 (oras lokal) loron-segunda iha Arena Manchester
nian, iha konsertu nia rohan hosi kantora norte-amerikana Ariana Grande, polísia
sira investiga hela hanesan "insidente ida terorizmu nian".
Primeira-ministra
británika, Theresa May, kansela ona asaun sira kampaña nian ne'ebé maka ajenda
ba loron-tersa ne'e.
Theresa
May prezidi iha loron-tersa dadeer ne'e reuniaun ida hosi Komisaun Kobra,
ne'ebé asionadu iha situasaun sira krizi nian no inklui reprezentante sira hosi
forsa polísia sira no autoridade sira seluk.
Líder
hosi liberal demokrátiku britániku sira, Tim Farron, kansela ona vizita ida
kampaña ba Gibraltar tanba explozaun ne'ebé tuir polísia katak hanesan atake
terorista ida.
Arena
nia kapasidade maka simu ema rihun 21 no iha resintu nakonu ho joven no
adolesente sira hodi asisti konsertu hosi kantora Ariana Grande.
Polísia
Manchester nian informa ona katak serbisu hela ho ajénsia britániku sira seluk
ne'ebé espesializadu iha kombate hasoru terorizmu.
Lusa
| SAPO TL
Sem comentários:
Enviar um comentário