quinta-feira, 6 de julho de 2017

Arbitu Joanico ho Pedro Hetan Agresaun Fiziku

DILI - Jogu Liga Futebol Amadora époka 2017 ninia istória hahú renda renda ho konfrontu fíziku. Ba ida ne’e laos mai hosi kampu laran, maibé mosu iha estrada públiku Árbitu nain rua, hetan agresaun fíziku hosi oknum Polisia nasional Timor-Leste ho Inisial GS atual jogador ba Klubu nivel altu ida iha Primeira divizaun.

Horseik loraik purvolta liu tuku nen (18:30 otl). Timor Post konsege hasoru Árbitu nain rua iha stadium Munisipal Dili. Konfrontu fíziku ne’e nudar kontinuasaun hosi jogu minutu 90, iha jornada dasia, (jornada 9) entre Ekipa AS Ponta Leste kontra Karketu Dili, Domingo, (02/07) iha stadium Malibaka Yamato Maliana.

Árbitu Joanico Gama haktuir, purvolta meiudia, (12:30 otl) nia halao hela viajen iha dalan no ninia mina motor maran, nune’e nia para hela motor iha estarada ninin, besik kedas iha kedas sede Federasun Futebol Timor-Leste (FFTL) ninia oin.

Momentu ne’e nia para tiha ninia motor iha Sede partidu CNRT ninia oin no mai hola mina iha Audian hodi lori fila ba enxe ba motor. Nune’e Joanico hetan bolu “hoe..botak mai lai”, konta hikas hosi árbitu  katak nia hetan bolu hosi ema balun.


“Hau hatan, ne’ebé nusa, hau haree nia iha estrada sorin no hau iha Estrada sorin, hau foin to’o ba ninia oin, nia mós tebe hau”,tenik Joanico hodi dehan hafoin hetan tebe hosi oknum seguransa ne’e, Joanico tenke halai tanba sente trauma ba oknum ne’e bainhira oknum ne’e tau liman ba kanotak, karik oknum ne’e iha sasan kroat.
  
Akontesimentu ne’e marka mós prejensa hosi árbitu Pedro Carvalho, ne’ebé iha tempu hanesan ba tula ninia oan ne’ebé eskola besik iha fatin akontesimentu. Haree situasaun ne’e, Pedro mós hakbesik án ba Joanico ho oknum jogadór refere ne’e hodi haklma situasaun.

Hafoin rona tiha Pedro ninia sujestaun, Joanico mós ba enxe mina ba ninia motor. Maibé oknum jogador ne’e mós lao tuir Joanico hodi kontinua funu ibun.

Entretantu, Pedro Carvalho haktuir tan, hare’e ema nain rua ne’e konfrontu sai manas, nia mós ba hakalma situasaun ba dala rua iha sede CNRT ninia oin.

Pedro haklaekn “Nia (oknum jogador) sente lasatisfaz ho lia fuan dehan atu halo karta,  nia tuku iha hau nia hasan hun dala ida, hau hakiduk tiha ba kotuk no nia lori helmet dudu iha hau iha ulun dala ida tan”.

Aleinde intrevista, diariu ne’e asesu mós ba gravasaun video ne’ebé halo hafoin akontesimentu baku no tebe ema nain rua ne’e. iha video ne’e nia laran nota katak Árbitu nain rua, lasimu atetude oknum jogador ne’e.

Hafoin akontesimentu, Arbitu nain rua lori ona keixa ne’e ba hatama iha Ministeriu Publiku, tanba oknum jogador ne’e nudar membru ativu ida iha instituisaun seguransa, ema nain rua ne’e lori mós keixa ba ihaProvos Polísia Nasional Timor-Leste. 

Timor Post

Sem comentários: