quinta-feira, 6 de julho de 2017

Meno: “Kontratu Tinan 7, Fila Ba Vida Sivil”

DILI – Ema neebe tama ba vida militar, laos halao servisu permanente, maibe kontratu ba sira durante tinan hitu.

Tuir vise Xefi Estadu Major Jeneral F-FDTL, Brigadeiru General Filomeno Paixao De Jesus katak, sidadaun neebe tama ba iha militar laos permanente, maibe servisu militar nia kontratu tinan hitu deit.

Ita iha konfuzaun desde inisiu, ema tama ba militar nee, ba loos deit ona, metin ona nee lalaos, militar nee ema ba se hare diak, kontratu durante sete anos. Depois de kontratu nia fila ona ba vida sivil la iha buat ida too. So ba iha parte militar ema neebe liu fali husi konkursu ida, ba kuadru permanente, maibe ema neebe iha estrutura rasik presija, neebe la paresija vai rodandu,” dehan Meno ba Jornalista sira, bainhira remata enkontru ho Prezidente Republika iha Palasiu Aitarak Laran Kuarta, (05/07/2017).

Nia dehan sira tama iha forsa aprende valores, no prinsipiu konaba patriotizmu, nasionalizmu korajen no buat seluk tan. Sira mos aprende artes vokasionais, profisionais, nunee sai ba iha liur, bele halo servisu diak.

Iha fatin seluk, Juventude Mariano Soares hateten, politika iha forsa defeza nia laran, lao nunee mak diak. Atu bele fo fatin ba joven neebe foin sae. Terezinha De Deus

Suara Timor Lorosae

Sem comentários: