DILI,
(TATOLI) - Komandante Jerál Polísia Nasionál Timor-Leste (PNTL), komisáriu
Júlio da Costa Hornay husu ba timoroan tomak, atu fó liman ba malu hodi
kontinua garante pas iha ambito elisaun lejislativu to’o prosesu kontajen votu.
“Dala
ida tan, ha’u apela ba timoroan tomak atu fó liman ba malu hodi garante páz no
estabilidade iha nasaun ne’e liu-liu iha periodu kampaña to’o kontajen votus,”
Hornay apela, liuhosi jornalista sira iha Palásiu Prezidénsia Repúblika,
Bairu-Pité, Dili, Kinta ne’e, hafoin ramata relata informasaun kona-ba
situasaun rai laran ba xefi Estadu Dr. Francisco Guterres Lú-Olo.
Komisariu
ne’e subliña situasaun iha Timor laran la’o hakmatek durante periodu kampaña
eleisaun parlamentár.
Atividade
kampaña iha munisípiu 13 hosi 20 Juñu to’o mai ohin loron, buat hotu-hotu
la’o di’ak. Laiha insidenti ne’ebé maka grave. Só iha Viqueque maka akontese
insidenti kiik ida ne’ebé hala’o hosi membru balun partidu KHUNTO maibé
problema ida ne’e agora iha prosesu laran no Prezidenti Komisaun Nasionál
Eleisaun konvida ona prezidenti KHUNTO hodi fó informasaun kona-bá akontesementu
refere.
PNTL
mós halo ona investigasaun ba kazu ne’e no entrega ona ba iha Ministériu
Públiku atu prosesa ba oin.
Hatan
kona-bá informasaun katak, deskonfia militante partidu balun disturba kampaña
Partidu Libertasaun Populár (PLP) iha Oe-Cusse, Kuarta horsehik,
Komandante Jerál PNTL dezmete informasaun ne’e.
Hodi
esplika, tuir informasaun ne’ebé ha’u simu hosi Komandante PNTL Oe-Cusse katak
ema ne’e la’ós halo tentasaun ruma atu estraga kampaña PLP. Nia hakarak
atu ba ko’alia direta ho Prezidenti PLP maibé prezidenti okupadu ba kampaña .”
Nune’e
Iha biban ne’ebá, Hornay dehan, polísia bolu kedas ema ne’e hodi haruka
fila ba uma. “Polísia bolu dei’t maibé la’ós kaptura. Ita bolu no kaptura ne’e
diferente,” Komandante PNTL responde informasaun ne’ebé dehan polísia kaptura
ema ne’ebé deskonfia nu’udar militante partidu CNRT iha kampaña PLP ne’e.
Entertantu
PNTL kontinua halo seguransa ba kampaña to’o iha eleisaun no serbisu
hamutuk mós ho forsa defeza para asegura di’ak liu-tan eventu demokrasia ne’e.
Jornalista:
Xisto Freitas | Editór: Manuel Pinto
Foto:
Komandante Jerál Polísia Nasionál Timor-Leste (PNTL), komisáriu Júlio da Costa
Hornay koalia ho Jornalista hafoin hasoru Prezidente Republika, foin lalais
ne'e, iha palasio Prezidensial
Sem comentários:
Enviar um comentário