quinta-feira, 6 de julho de 2017

ME Kondena Kazu Professor Baku Estudante Iha Palaka

PARTILHAR
DILI – Ministeriu Edukasaun (ME), kondena aktus neebe mak professor husi eskola sekundariu vinho Palaka, halo agresaun fiziku hasoru estudante.

Lamentasaun nee hatoo husi Ministru Edukasaun, Antonio da Conceição katak, maske nia seidauk rona kazu nee, maibe lamenta tanba ema mak tenke sadar buat neebe mak diak bele halo no aat labele halo.

Hau sei tenta atu verifika informasaun, se iha defaktus los, professor ida nee entrega ba iha komisaun funsaun publika prosesa kazu nee, tanba edukador labele halo agresaun fizika ba estudante, no estudante mos labele halo buat nee  ba professor, ida nee mak edukasaun, tanba disiplina sira nee ita aprende para atu koinese iha siensia, maibe siensia nee husi ita nian hahalok, se ita hanoin no aprende siensia diak, maibe hahalok ladiak, maibe aktu hanesan nee hau kondena,” dehan ME Antonio ba STL iha  edifisiu ME Vila-Verde Dili, Tersa (04/07/2017).

Nia apela ba professor sira hotu, knar edukador nee aas liu, no knar ida neebe mak ho diqnu hanesan professor, nee duni labele halo bebeik agresaun fizika hasoru estudante, no ema seluk iha resintu eskola.

Entretantu Domingo Agostu, hanesan aman husi vitima estudante, Delpiero, liu husi via-telefone hatete, professor ida nee laos foin mak halo agresaun fiziku hasoru estudante sira. Jacinta Sequeira/Guilhermna Franco

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: