quinta-feira, 6 de julho de 2017

Desizaun KM Mantein Bolseiru Iha Cabo-Verde

DILI – Desizaun Konsellu Ministru (KM), mantein bolseiru sira atu kontinua sira nia estudu iha Cabo-Verde, maibe bainhira estudante sira lakohi simu, Ministeriu Edukasaun (ME), sei haruka bolseiru sira nee mai fali Timor Leste.

Liu husi konfrensia imprensa neebe mak halao husi Ministru Edukasaun, Antonio da Conceição, hatete, kestaun nee iha nivel Primeiru Ministru promote atu halo buat hotu hodi garante seguransa ba estudante sira, nunee sira bele ba eskola fila-fali.

Tama fali ba iha segundu trimester ninia, sira la ba eskola, tanba greve tiha, greve durante fulan ida la ba eskola, hau iha vizita ikus nee ba iha Lisboa, maibe estudante sira hetan tawaran, atu ba fali deit Portugal, lakohi ona hela iha Cabo-Verde, imi hatene, sira ba ho kontratu ida, atu ba eskola iha Cabo-Verde, no ba ho osan neebe mak naton atu gasta deit iha Cabo-Verde,  neebe embaixadora no adidu halo ona esforsu husu nafatin ba sira, atu sira bele fila-fali ba eskola,” dehan ME Antonio ba jornalista iha salaun konfrensia ME Vila-Verde Dili, Tersa  (04/07/2017).

Nia dehan sira la simu proposta ME, sira hotu simu proposta husi adidu edukasaun, lakohi ona iha Cavo-Verde, no hakarak muda ba Portugal. Tanba nee ME tenta koalia ho embaixador Cabo-Verde iha Lisboa, atu buka mos hatene governu Cavo-Verde nia pozisaun bele halo oinsa.

Iha sorin seluk, Vigariu Jeral Dioseze Dili, Mgr. Jose Antonio hatete, labarik sira nee estadu mak hatene, tanba estadu mak halo kontratu entre estadu, neebe presiza kria kondisoins neebe mak sira establese. Jacinta Sequeira/Guilhermina Franco

Suara Timor Lorosae

Sem comentários: