quinta-feira, 6 de julho de 2017

Xanana: Labele Adora Osan Mina-Rai Tenke Gasta Ba Dezenvolvimentu

LAUTEM: Prezidente Partidu Congresso Naçional Reconstrução Timor-Leste (CNRT), Kay Rala Xanana Gusmão hateten, labele rai de’it osan fundu mina-rai, maibé tenke gasta ba dezenvolvimentu nasaun nian.

Nia dehan, durante partidu CNRT ukun durante tinan sanulu nia laran gastu barak husi osan fundu mina-rai ninian, ne’ebé partidu barak kestiona. Maibé tuir polítika partidu CNRT nian orsamentu ne’e labele adora de'it, tenke gasta ba dezenvolvimentu iha rai no povu ida ne’e.

“Ema dalan balun dehan fundu petrolíferu labele foti arbiru, depois ita rai tiha iha uma lulik, ita adora de'it? Sé fundu petróleu ne’e mak hatene ko'alia ne’e dehan ita beikteen, ha'u (osan) mak iha ne’e mós lakohi foti”, dehan Prezidente partidu CNRT, Xanana Gusmão, iha ninia komísiu kampaña polítika, iha Lospalos-Lautein, horisehik.


Nia dehan, tenke gasta ba dezenvolvimentu ne’ebé sai interese ba povu Timor tomak nian.

Tanba ne’e, lider rezisténsia ne’e konta tuir katak, lider partidu polítiku balun dehan durante tinan sanulo iha laran CNRT dehan halo divida barak liu, tamba lakohi atu fó tusan ba jerasaun foun sira.

“Balun dehan CNRT halo dívida barak liu. Dehan katak ne’e feen ho oan sira mak atu selu. Ha'u husu ba ita hotu, kuandu imi mak rona lider sira seluk ko'alia hanesan ba lalais Igreja harohan ba Maromak katak tenke fó hanoin ba sira,” dehan nia.

Tanba ne’e, Kay Rala Xanana Gusmão esplika kona-ba orsamentu ne'ebé gasta durante iha sira nia mandatu tinan sanulu, tanba gastu ba infraestrutura boot-boot sira hodi investe hetan nia funan ba Estadu ne’e.

Agora orsamentu fundu petrolíferu iha banku Amérika hamutuk biliaun $16 ne’ebé ninia funan tokon $3.6. Governu CNRT hanoin halo infraestrutura boot mak kaer hotu osan ida ne’e menus.

Ne’e duni, aprezenta iha Parlamentu Nasionál aprova fundu persentajen husi fundu petrolíferu ne’e investe. Tanba ne’e, investe bele fó funan nafatin mai. Iha emprestimu foin tokon $340.

Humberto dos Santos | Independente

Sem comentários: