PR Nia Responsabilidade Boot

DILI - Prezidente a republika hanesan mos sidadaun babain, maibe iha responsabilidade boot. Tanba sai hanesan aman ba ema hotu.

Tuir Prezidente Republika Francisco Guterres Lu-Olo katak, prezidente Lu-Olo hanesan mos sidadaun babain, maibe iha responsabilidade boot, atu hare povu hotu. Tanba sai hanesan aman ba ema hotu.

"Hau hakarak halo reval kiik ona ida ema nee hanesan deit, Prezidente da Republika ida naran Lu-Olo nee hanesan mos ho ema seluk, hanesan sidadaun babain, maibe iha responsabilidade mak boot. Segundu observasaun Prezidente Republika nia knar nee, la boot liu fali ida dasa rai nee, servisu dasa rai iha valor, halo toos halo natar iha valor. Maibe hanesan prezidente responsabilidade boot liu ida dasa rai, halo tos halo natar nian, nee mak diferente. Maibe servisu hotu iha valor, nunee prezidente nudar prezidente ba povu tomak,” hateten PR Lu-Olo bainhira entrevista husi Revista Lafaek, iha Palasiu Prezidente Kuarta, (05/07/2017).

Xefi Estadu salienta, Prezidente iha responsabilidade boot, atu garante pas no estabilidade, no kopera mos ho soberania sira seluk hanesan Parlamentu, Tribunais no Instituisaun seluk. Sai Prezidente iha nia mandatu no funsaun, bele lao hamutuk nafatin ho soberania sira seluk.

Iha fatin seluk Akademiku Maria Magno hateten, Prezidente tenke sai hanesan ema hotu nia aman, nunee bele rona povu nia lian. Terezinha De Deus

Suara Timor Lorosae