sexta-feira, 7 de julho de 2017

Partidu Sosialista Timor nian akuza CNE tanba impede asaun sira kampaña nian

Iha loron-kinta ne'e Partidu Sosialista Timor nian (PST) akuza autoridade eleitoral sira tanba bandu, iha munisípiu balun iha Timor-Leste, asaun balun kampaña nian ba lejislativu sira iha fulan ne'e, ne'ebé konsidera hanesan "abuzu ida" ba interpretasaun lei nian.

"Ami nia reklamasaun iha baze hosi faktu katak iha munisípiu balun militante sira hetan bandu hodi labele halo kampaña ba uma sira, tuir horáriu ne'ebé maka estabelese ba kampaña", hatete hosi Azancot de Menezes, sekretáriu-jeral PST nian, ba Lusa.

"Tuir ami nia haree iha interpretasaun ne'ebé laloos ba lei. Iha Estadu ida livre no demokrátiku labele impede elementu sira hosi partidu sira hodi la'o iha estrada hodi fahe folletu sira ka ko'alia ho sidadaun sira", nia hatete.

Baze hosi polémika ne'e maka iha interpretasaun ne'ebé halo ba artigu ida hosi dekretu fulan-Maiu tinan ne'e nian ne'ebé regula regra sira kampaña eleitoral nian ba lejislativu sira loron 22 Jullu nian no ne'ebé, tuir PST, elementu balun hosi delegasaun munisipal sira hosi Komisaun Nasional Eleisaun nian (CNE) uza hodi "kria obstákulu ba partidu polítiku sira hotu".


Artigu ne'e determina katak partidu sira tenki fornese kalendáriu atividade sira kampaña nian ba CNE to'o loron lima antes hahú kampaña.

"Bainhira iha koinsidénsia ba fatin no horáriu ba partidu polítiku sira ka koligasaun partidáriu sira, CNE sei fó hatene partidu polítiku sira ka koligasaun sira hodi iha konkordánsia maka'as kona-ba horáriu no fatin", refere hosi dekretu.

PST insisti ona katak kestaun ne'e inklui de'it situasaun sira hosi komísiu ka asaun sira seluk kampaña nia ho dimensaun boot no ne'ebé, iha kazu sira ne'e, "CNE tenki hetan informasaun antes hodi evita realizasaun hosi enkontru simultáneu, iha fatin ho oras hanesan, hosi partidu polítiku oioin".

PST konsidera katak labele "iha limitasaun ba kampaña, no nesesidade hosi autorizasaun antes no liuliu atu bele bandu kampaña sira" iha kazu sira seluk.

SAPO TL ho Lusa

Sem comentários: