sexta-feira, 7 de julho de 2017

Timor Gap: Posu iha sudeste Timor ho "potensial maka'as" ba hidrokarbonetu sira

PARTILHAR
Petrolífera timoroan Timor Gap fó sai iha loron-kinta ne'e katak análize preliminar sira hatudu katak iha "potensial akumulasaun maka'as hosi hidrokarbonetu sira" iha zona ida iha Tasi Timor iha kilómetru 50 hosi sudeste illa Timor nian. 

Potensial rekursu sira hosi sondajen situa iha bloku PSC TL-SO-15-01, lokalizadu besik kilómetru 50 hosi sudeste ponta leste illa nian, ne'ebé sai ona hanesan fatin peskiza sísmika hosi banda larga 2D ho 3D, explika hosi petrolífera iha nota ida ne'ebé haruka ba Lusa.

Lokaliza "iha dalan klaran" entre Timor-Leste ho kampu gás Greater Sunrise, bloku TL-SO-15-01 sai ona hanesan fatin ba peskiza sísmika Crocodile 3D ne'ebé iha tinan 2016 analiza ona 2.780 kilómetru kuadradu, parte boot hosi área bloku nian.

Tinan ne'e Timor Gap asina ona kontratu ida ba "avaliasaun kompletu ida hosi rai ne'ebé iha potensial" hosi potensialidade kompletu bloku nian ba empreza jeosiénsia CGG.


Rezultadu dahuluk sira hosi avaliasaun ne'e "hatudu loloos jeolojia iha zona hosi inklinasaun norte hosi kanal Timor nian", hodi permiti konfirma "ezisténsia hosi estrutura sísmika individual 30 resin iha nível jeolójiku oioin (hosi períudu Jurásiku, Triáziku no Permianu), dalabarak hamutuk tuir dalan vertikal, iha fatin hamutuk 17 ne'ebé la hanesan tuir jeografia", refere hosi Timor Gap nia nota.

"Tamañu hosi estrutura sujere potensial akumulasaun barak hosi hidrokarbonetu sira ne'ebé besik liu hosi kosta Timor-Leste nian. Ne'e inklui kanal explorasaun ida ne'ebé antes seidauk hatene nia profundida intermédiu hosi bee ne'ebé fornese pontu oioin explorasaun no perfurasaun ne'ebé agradável tebes", hatutan.

Tuir Timor Gap, identifikasaun hosi potensialidade sira iha formasaun sira loke posibilidade hosi explorasaun iha rejiaun, hatudu katak projetu "hanesan investimentu ida ne'ebé valiozu tebes ba explorasaun petróleu iha teritóriu soberanu Timor-Leste nian".

Hodi jere bloke ne'e Timor Gap harii ona subsidiáriu ida ne'ebé nia kaer 100%, TIMOR GAP Offshore Block Unipessoal Lda, ne'ebé halo mós kontratu fahe produsaun nian ba PSC TL-SO-15-01.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: