Prezidente
norte-amerikanu, Donald Trump, aviza ona iha loron-kinta Koreia-Norte katak nia
hanoin hela "asaun balun ne'ebé todan tebes" hodi hatán ba lansamentu
lahó presedente hosi misil ida ho kapasidade hodi atinji Estadus Unidus.
Iha
vizita ba Polónia, antes ba simeira G20, ne'ebé halo iha findesemana ne'e iha
Hamburgu, Prezidente Estadus Unidus nian apela mós ba nasaun tomak hodi
konfronta Pyongyang ho nia "hahalok ne'ebé aat, aat tebes", haktuir
hosi ajénsia Associated Press.
Trump
sei hasoru malu iha Hamburgu ho nia homólogu rusu, Vladimir Putin, ne'ebé la
konkorda ba reforsu sira hosi kastigu ekonómiku no dalaruma asaun militar sira
hasoru Pyongyang.
Iha
deklarasaun públiku dahuluk sira dezde Koreia-Norte halo teste ba dala uluk ba
misil balístiku interkontinental ida, Donald Trump lakohi avansa ba pormenor
sira kona-ba resposta ne'ebé bele mosu hosi Estadus Unidus, maibé nia konsidera
insidente hanesan "ameasa ida", husik klaru katak sei "hasoru ho
forsa maka'as", haktuir mós hosi AP.
"Hanesan
moe ida atu sira iha komportamentu ida hanesan ne'e", nia afirma.
"Sira nia hahalok hanesan perigozu tebes no tenki halo buat ruma
relasionadu ho ne'e", hatutan hosi xefe Estadu norte-amerikanu maibé la
espesifika buat ida.
Estadus
Unidus hanoin nafatin kastigu foun sira, medida ekonómiku sira no sira seluk,
hodi hatán ba teste ne'ebé Koreia-Norte halo iha loron-tersa liubá ba misil
interkontinental ida - avansu teknolójiku ne'ebé Washington konsidera hanesan
aumentu maka'as ida ba ameasa hosi parte Pyongyang nian.
Xina
apela ona iha loron-kinta atu evita "diskursu sira no asaun sira"
ne'ebé bele aumenta tensaun iha península koreanu, hodi hatán ba defeza hosi
parte Estadus Unidus ho Fransa ba kastigu foun sira kontra Pyongyang ne'ebé
hato'o iha loron-kuarta ne'e iha ONU.
"Ami
apela ba parte tomak atu hapara, evita diskursu no asaun sira ne'ebé bele
aumenta tensaun sira no serbisu hamutuk hodi diminui tensaun sira",
deklara hosi porta-vós hosi Ministériu Negósiu Estranjeiru xinés nian, Geng
Shuang, ne'ebé haktuir hosi ajénsia France-Presse.
Xina
hatete fali katak kritika lansamentu istóriku hosi misil interkontinental no
apela "ho firmi ba Koreia-Norte hodi respeita rezolusaun sira ONU
nian", maibé fó hanoin mós katak "manutensaun dame nian no
estabilidade iha península serve interese hanesan hosi parte tomak",
hatutan hosi porta-vós ne'e.
SAPO
TL ho Lusa
Sem comentários:
Enviar um comentário