DILI
– Hanesan sidadaun neebe moris iha nasaun ida nee, sente lamentavel tebes
ba lei pensaun vitalisia neebe oras nee kontinua eziste iha Timor Leste. Lei
nee hatudu injustisa social boot ba povu ida nee.
Tuir
Komunidade Suku Laisoru Lai de Baixu, Julio Farkus katak, hanesan sidadaun
baibain sente triste tebes tanba lei pensaun vitalisia nee kria injustisa
social ba povu, partidu politiku sira tenke halakon.
Lei
pensaun vitalisia nee ladiak, nee sei fo impaktu ba povu nia moris tanba kria
ona injustisa social, partidu politik tenke halakon,” dehan Farkus ba STL liu
husi via telefonika-Dili, Kuarta (06/07/2017).
Farkus
haktuir, pensaun vitalisia oras nee sai fali ona interese, tuir lolos pensaun
vitalisia nee fo ba ema neebe mak luta durante 24 anos iha ailaran deit, laos
ba ema neebe kaer kargu iha orgaun estadu simu hotu.
Iha
fatin ketak, Observador Politika-UNTL, Victor Soares dehan, tuir lolos partidu
politik sira uza lei pensaun vitalisia sai sira nia produtu iha kampania, maibe
haree nein partidu ida koalia pensaun vitalisia. Raimundo S. Fraga
Suara
Timor Lorosae
1 comentário:
Partidu politika sira persisa tau programa prioridade nebe relasiona ho intreses povu nian, liu-liu maka "HALAKON LEI PENSAUN VITALIZA" tamba hau observa durante nee partidu ukun no foun sira nunka koalia atu halakon lei Pensaun Vitaliza. nebe iha oportunidade ida nee atan oan atu sujere deit ba Partidu foun sira, atu uja LPV. sai programa prioridade iha kampanye Elisaun Parlementer. tamba lei pensaun vitaliza maka sai obstaklu bot ba prosesu Desembolvemento ba nasaun ho povu rai ida nee. tamba lei pensaun vitaliza, kria injustisa social, kria klase ekonomia, kria diskriminasaun no hamate Desembolvemento ba povu ho nasaun. ida nee hau hanoin importante partidu atu uja sai materia kampanye.obrigado e bom suksesu....!
Enviar um comentário