domingo, 15 de outubro de 2017

MS Rekonese Ekipamentus SSB Sei falta

DILI - Ministru Saude( MS) Rui Maria de Araujo rekonese Sentru Saude Becora (SSB) sei falta ekipamentus balu, liu-liu ba inan isin rua nomos vasina ba labarik nian.

Tuir Ministru Saude (MS) Rui Maria de Araujo katak, objektivu mai iha sentru SSB hodi haree funsionamentu no servisu pesoal iha area kuidadus primaria saude, no dadaun nee sistema dizitalidade hodi halo konsulta ba ema boot no labarik nia lao ho diak maibe, seidauk kompletu. Iha area hanesan ba inan isin rua, vasina ba labarik,ekipamentu nehan no mos ekipamentu inan sira atu partus. Ida nee programa integradu neebe halao iha ambitu saude ba familia utiliza teknolozia modernu dizitaliza formatu hotu. Hodi nunee fasilita pesoal saude bele halo servisu diak liu.

“Hau mai vizita sentru saude nee atu prepara teknika ministeriu saude nian too iha neebe, atu bele implementa komprimisiu neebe VII governu halo liu husi nia programa neebe aprezenta ona iha Parlamentu,”hateten Ministru Saude (MS)Rui Maria de Araujo ba Jornalista iha salaun Sentru Saude Becora, Kinta,(12/10/2017).


Nia dehan, agora sentru saude laos depende direita ba Ministeriu Saude.  Ministeriu fo apoiu tekniku exemplu hanesan programa emerzensia nia sei presiza apoiu tan rekursu humanu no presiza organiza diak liu tan.

Iha fatin hanesanXefi Interinu Sentru Saude Becora,Mateus de Jesus esplika,Ministeriu Saude halao nia vizita nee ho objektivu atu haree prestasaun servisu neebe maka presiza hadia diak liu tan iha futuru mai, liu-liu atu hadia ba iha sistema online.

“Difikulkdade neebe maka ami hasoru maka hanesan trasnporte bainhira ami halo tratamentu ba iha fatin SISKA, ida nee maka difikuldade neebe ami hasoru,”dehan Mateus. 

Jeniche da Costa | Suara Timor Lorosae

Sem comentários: