DILI,
(TATOLI) - Primeiru Ministru Sétimu Governu, Mari Alkatiri, ohin, Kinta (12/09)
entrega tan lista membru governu nain hat ba Prezidente Repúblika Francisco
Guterres Lú Olo, iha Palasiu Prezidensial, Bairru Pite, Dili.
Hafoin
entrega lista Primeiru Ministru Marí Alkatiri hateten, Membru governu na’in
ha’at ne’e kompostu husi Feto Na’in rua no Mane Rua ne’ebé sei simu Posé iha
tempu besik hodi priense fatin mamuk hanesan ministru Justisa, Ministru Turismu
no seluk tan.
ʺApresenta
lista finál membru Governu ba Prezidente Repúblika,ʺdehan Marí Alkatiri ba Jornalista sira
hafoin apresenta Lista ne’e ba Xefe Estadu.
Aproveita
oportunidade Alkatiri informa katak, nia parte nu’udar xefe governu simu ona
resposta hosi Kay Rala Xanana Gusmão kona-bá pozisaun Prezidente Alta Autoridade
ba Negosiasaun Fronteira Timor Leste.
Entertantu
Alkatiri la esplika detalladu kona-bá resposta Xanana nian, inklui lakohi temi
membru governu nain hat nia naran, maibé ba pozisaun naba Prezidente Alta
Autoridade ba Negosiasaun Fronteira Timor Leste nomós desenvolvimentu Tasi Mane
nian, bainhira Parlamentu Nasionál aprova programa Governu maka sei kria
dekretu lei ida hodi regula alta autoridade ne’e hanesan instituisaun
estadu ida ho autónomia finanseira, patrimonial no seluk tan.
Aleinde
de entrega lista membru governu, Xefe governu informa mós kona-ba situasaun
Polítika, Ekonómia, Sosial nomos programa sétimo Governu nian ne’ebé haruka ona
ba Parlamentu foin lalais ba Xefe Estadu Francisco Guterres Lú Olo.
Entertantu
ho prezensa membru governu nain hat ne’e, setimu governu kompleta ona nia
estrutura ne’ebe akumula ema nain 36 nu’udar membru governu.
Jornalista:
Agapito dos Santos | Editór: Manuel Pinto
Foto:
Primeiru Ministru, Mari Alkatiri
Sem comentários:
Enviar um comentário