Fatin
oioin iha Cisjordánia, iha loron-kinta ne'e, sai hanesan palku hosi konfrontu
sira entre manifestante palestinianu sira no militar israelita sira, no iha
Faixa Gaza populasaun sira sunu Donald Trump ho Benjamin Netanyahu nia imajen
sira no sunu mós bandeira sira hosi Estadus Unidus ho Israel.
Insidente
sira akontese iha protestu sira hasoru desizaun, ne'ebé fó sai iha loron-kuarta
hosi prezidente Estadus Unidus nian, hodi rekoñese Jeruzalén hanesan kapital
Israel nian no transfere embaixada norte-amerikanu hosi Telavive ba sidade
ne'ebé konsidera santu hosi ema kristaun sira, ema judeu sira ho ema musulmanu
sira.
Líder
hosi movimentu radikal HAmas, ne'ebé kontrola Faixa Gaza, apela ona iha
loron-kinta ne'e ba Revolta Sivil foun ida, hafoin kedas iha loron-kuarta ne'e
dirijente sira hosi movimentu ne'e deklara ona "loron tolu vingansa
nian", entre loron-kinta ne'e no loron-sábadu.
Iha
Cisjordánia, grupu sira hosi manifestante atus resin sunu ona pneu sira no
lansa ona fatuk sira hasoru tropa antimotin sira.
Iha
sidade bíblika Belém, tropa sira tiru kañaun bee nian no lansa ona granada sira
gás lakrimojéneu nian hodi fahe manifestasaun ida no iha Ramallah, sede hosi
governu palestinianu, manifestante sira sunu ona pneu sanulu resin, hamosu
kalohan hosi suar metan iha sidade.
Donald
Trump nia desizaun hanesan kontraria polítika ne'ebé maka Estadus Unidus iha
kona-ba Jeruzalén no pozisaun ne'ebé aseita hos komunidade internasional ne'ebé
hatete katak estatutu hosi sidade tenki defini iha negosiasaun sira entre ema
israelita sira no ema palestinianu sira.
Iha
teritóriu palestinianu sira, eskola sira ho loja sira taka hotu iha loron-kinta
ne'e, loron dahuluk hosi loron tolu "vingansa nian" iha protestu
hasoru desizaun hosi prezidente norte-amerikanu nian.
Prostestu
sira hala'o ona iha fatin oioin no mós iha Jeruzalén, besik iha Porta Damasku
nian, iha sidade tuan.
To'o
agora seidauk iha informasaun sira hosi vítima sira todan nian hosi konfrontu
sira.
SAPO
TL ho Lusa
Sem comentários:
Enviar um comentário