Lista Pendente Balu Troka Ona Hein PR Fo Pose

DILI – Relasiona ho kandidatura ba membru governu iha lista neebe mak Prezidente Republika (PR) pendente hela, oras nee dadaun balu troka ona no hein desizaun PR atu fo pose.

“Lista pendente sira neebe mak PR halao nee balu troka ona, hanesan kandidatu sira balu neebe mak sei prosesu iha julgamentu hela latuir pose hodi tau fali naran foun. Enkuantu Kona ba maun Xanana seidauk tuir pose nee razaun  politika neebe ema hotu hatene, maibe ba kandidatu sira seluk nee dehan katak komete kazu korupsaun, maibe realidade ikus mai laiha eveidensia ida hodi akuza sira katak korupsaun, tanba nee mak PR ho PM sei kolia  atu hodi fo pose,” Segundu Vice PN Luis Roberto ba Jornalista Tersa (24/07/2018) iha PN.

Ho lista sira neebe foun lansa iha Media Sosial, maun Xanana nia fatin mos troka, Luis dehan, maun Xanana sei latroka, tanba nudar Prezidente AMP sei latroka.

Iha parte seluk Primeira Vice PN, Maria Angelina Sarmento Lopes hatete, iha konstituisaun lakoalia kona ba atu aprezenta programa tenke iha membru governu kompletu, maibe buat neebe mak hatete iha konstituisaun katak depois 30 dias governu simu pose tenke aprezenta mai PN. 

Notisia kompletu lee iha jornal STL edisaun Kuarta (25/07/2018)

Guilhermina Franco | Suara Timor Lorosae