sexta-feira, 29 de maio de 2015

MILITANTES CNRT 2500 AFILIA BA FRETILIN


Militantes partido Congreso Nacional Reconstrucçao Timor (CNRT) hamutuk 2500 afilia ba partido historiku Frente Revolsionaroiu Timor Leste Independente (FRETILIN) tamba konsidera paridu nee nudar uma knua.

Afiliasaun Militante Partido CNRT nian ba FRTETILIN nee iha konferensia partido FRETILIN ba dala tolu nebe halao iha Municipiu Aileu iha semana kotuk liua ba nee.

Koordenador Partidu CNRT Aileu Villa, Cornelio da Cruz, deklara-an katak nia lori militante hamutuk 2500 ba FRETILIN nudar uma knua.

“Insiativa militante hirak ne’e fila ba Partidu FRETILIN, tamba partidu historiku ida ne’e mak uluk inan, aman no maun alin tomak mate, tamba ne’e ohin loron ami deklaraan hakarak fila fali ba ami nia Partidu istoriku ida ne’e,”deklara Corneilo da Cruz.

Entretantu konferensia distrital Aileu konsege eleitu Gastao Mendonca ba koordendor partidu FRETILIN no komisaun verifikasaun no fiskalizasaun hamutuk total CPD 21 ba periode 2015-2020.

Ba konferensista koordenador Eleitu Gastao Mendonca hatete ho fiar nebe konferensista fo, maka hanesan todan ida nebe tau iha kabaas hodi esforsa-an hodi servisu makaas, hodi nune’e FRETILIN bele manan fila fali iha Distritu Aileu.

Alinde ne’e koordenador mos apelu ba ba komisaun politika Distrital, kuadrus, delegadus no Militante atu servisu hamutuk hodi nune’e lori Partidu FRETILIN ba manan fali iha elisaun 2017 iha Municipio Aileu.

Komunikadu imprensa nebe redasaun JNDiario simu horseik hatete katak Sekretario Jeral FRETILIN , Mari Alkatiri husu ba estruktura eleitu ba periodu 2015-2019 atu hametin nafatin partido iha Municpiu Aileu.

“hau husu Aileu oan atu kontinua metin nafatin ho partidu FRETILIN, hodi bele hadia liutan povu nia moris liu-liu povu iha Distritu Aileu”dehan Mari Alaktiri.

Nia hatutan durante ne’e so partidu FRETILIN deit mak fo komprimisu nafatian ba Municipiu Aileu, maibe laiha tan partidu seluk ne’ebe halo komprimisu ba imi, atu hadia imi nia moris.

Atu presidente ZEESM nee dehan, FRETILIN mak identidade Estadu no nasaun RDTL, tamba ne’, maske ema seluk kontinua halo estratejia oi-oin husi tempu okupasaun ate agora atu harahun FRETILIN, hanesan krize 2006 hodi sobu FRETILIN no FALINTIL, maibe FRETILIN kontinua ejiste nafatin no buras nafatin , hanesan Hali hun ne’ebe abut kontinua metin ba bei-beik sanak no tahan buras ba beik atu ejiste nafatin iha rai ida ne’e hodi hadia povu nia moris.

“FRETILIN hamrik atu liberta povu ida ne’e, laos atu buka poder. Hanesan krize 2006 ema hakarak sobu FRETILIN ho FALINTIL, maibe Partidu FRETILIN kontinua metin hodi nune’e ema la bele sobu ate agora. Mesmu nune’e FRETILIN la ukun, maibe papel FRETILIN importante tebes iha Estadu ida ne’e, tamba ne’e iha VI Guvernu konstitusional involvimentu ema intelektual individual FRETILIN nian hodi involve iha govenasaun ida ne’e, tamba Ex Primeiru Ministru Kay Rala Xanana Gusmao rasik rekoinese katak persiza tebes involvimentu partidu FRETILIN iha Estadu ida ne’e , hodi garantia sustentablidade dezonvolvimentu nacional no hadia povu nia moris,”haklaken sekjer Partidu FRETILIN ne’e.

Iha oportunidade ne’e Alkatiri apela ba delegadu no kongresistas sira atu labele diskrmina partidu seluk no loke nafatin odamatan ba ema hotu nebe hakarak fila mai uma knua FRETILIN no husu atu respeita nafatin veteranus sira.*/alf

Jornal Nacional

Sem comentários: