TAUR – XANANA BELE RESOLVE PROBLEMA VETERANUS

Tinan – tinan Parlamento nasional aprova osan besik miliaun 20 dollar Amerika hodi selu ba veteranu sira. Orsamentu nebe boot implika ba dispesas estadu nian no mos ameasa ba fundo petroliferu, sa tan presu mina internasionalmente tun.

Ohin loron nee estadu buka hela maneira ida, li-liu Presidente Republika, Parlamentu Nasional no governu atu bele resolve problema nee lalais, se lae fo pesu ba dispensa governu nee iha tempo oin mai no mos governante jerasaun tuir mai.

Problema veteranos nian nee laos simplis, tan nee solusaun nebe mai mos tenki sai win – win solution, solusaun nebe diak ba parte rua, estadu no veterano rasik sel bele hamosu divisionismu.

Problema Veteranos nee mosu tamba numero veteranos nee bark teb-tebes, rejistu primeira fase iha tinan 2003 nebe simu ona pensaun kuaze 3 mil benefisiariu, rejistu segundu faze iha 2009 aumenta ba 100 mill nebe sei iha prosesu verifikasaun nebe ohin loron mosu problema tamba konsidera iha falsifikasaun dokumentus nebe barak.

Problema nee mos agora laos tempo atu fo sala ba malu dehan governu ma sala, Pralamentu mak sala ka Komisaun Homenajem mak sala, sala ka sala hotu ona, se los mos los hotu, bele fo kulpa ba malu.

Problema veteranos nee iha, fasifikasaun dokumentus nee barak tamba rejistu ba veteranos sira nee lao laiha base legal ‘ lei’ rejistu volutariamente, lei mai ikus tan nee halo ema oinsa bele tama iha kriteriu turi lei nebe iha atu bele hetan pensaun.

Problema seluk eh politiku tamba hamutuk iha partido ida ka sai militante partido hodi bele fasilita malu no ida seluk mak mosu familiarismo, tamba iha relasaun familia oinsa atu bele fasilita malu hodi hetan pensaun. Kazu balu akontese responsavel sira nee hetan ameasa hodi aprova ema nebe lahetan dedikasaun esklusiva maibe hetan ameasa aprova deit, eh pior liu tan mak oan ho aman iha dedikasaun esklusiva hanesan, nee akontese.

Agora pergunta mak nee, se mak bele resolve problema nee? Atu resolve tenki veteranos rasik. Hakarak lakohi problema veteranos nian nee tenki resolve duni atu nunee labele tau todan ba jerasaun nebe mai.

“Problema veteranus nian ne’e ha’u hamutuk ho maun Xanana lakohi husik ba ita nia oan sira tuir mai ne’e, husik sira ukun no haree ba dezenvolve buat seluk ba rai ida ne’e,” Taur Matan Ruak Los duni, ita boot nain rua mak komanda funu nee, tan nee responsabilidade nee iha ita boot sira nia liman. Veteranos nee ita boot sira nia responsabilidade duni, uluk ita boot haruka ba mate, iha ukun an nee ita boot nain rua mak tau matan ba sira nia moris, se uluk resitensia terus ona, agora ukun an mos terus nafatin, porque sira luta.

Problema veteranos nian nee hadaet ba problema sira seluk, li-liu pensaun vitalisia, se veteranos luta fo an ba mate laheten pensaun, satan ukun nain ka deputado sira tur deit iha AC koalia deit iha tinan lima simu pensaun vitalisia, nee injustisa nebe bele hamou problema sosial. *

Jornal Nacional - editorial