Governu Aprezenta Relatoriu Operasaun HANITA ba Taur

DILI - Sestu Governu Konstitusional liu husi Enkontru Konseilu Superor Defeza no Seguransa, aprejenta relatoriu operasaun Hanita ba Prezidente Republika Taur Matan Ruak, maibe Parte Seguransa Kontinua Presegi Suspeitu Nain rua nebe too agora seidauk kaptura.

Tuir Portavos Governu Atual Ministru Interior Longinhos Monteiro hatete enkontru Konseilu Superior Defeza Seguransa nebe Prezide husi Prezidente Republika Taur Matan Ruak atu nune governu Aprezenta Relatoriu kona ba Operasaun Hanita ninian.

Relatoriu nebe mak Aprezenta husi Ministeriu rua, estadu Maior Forsas Armadas no Komandu PNTL aprezenta relatoriu volume boot ita kona ba situasaun Operasaun Hanita too 21 Agostu,” dehan Longuinhos ba Jornalista, Segunda (31/08/2015) iha Palasiu Prezidensial Nicolao Lobato.

Nia hatete operasaun Hanita lolos atu halo inseramentu maibe realidade iha terenu too iha loron 9 Setembru mak operasaun nee redus, maibe Polisia Kontinua halo Presegisaun ba suspeitu nain rua nebe seidauk halo kapturasaun.

Primeiru Ministru Rui Maria de Araujo Antes nee hatete nia parte hasoru malu ho Prezidente Republika Taur matan Ruak hodi koalia kona ba situasaun rai laran inkliu informa Operasaun Konjunta Hanita nebe governu Hapara ona. Informasaun kompletu iha STL Jornal no STL Web, edisaun Tersa (1/9/2015). Timotio Gusmao

Suara Timor Lorosae