NÚMERU NO KOLOKASAUN PNTL HO POPULASAUN IHA TIMOR-LESTE

Fundasaun Mahein (FM), 31 Agostu 2015

Komunikadu Imprensa

Liu husi Mahein Nia Lian Nú.102 (Versaun Tetum.pdf) kona-bá Planu estratejiku PNTL nian ho klaru dezeña objetivu hodi hala’o rekrutamentu ida ba pesoal polísia foun. Xave ba argumentu sira hodi suporta estratejia ne’e maka maioria husi polísia ne’e rasik indika ona katak falta pesoal ida ne’e impaktu ba sira nia abilidade atu ezekuta sira nia papel. Aumentu populasaun Timor-Leste nian ne’ebé barak garante katak sei iha preokupasaun ne’ebé maka’as kona-bá serbisu polísia iha futuru no agora no istória insidente siguransa sira ne’ebé sujere sei presiza tan polísia iha futuru.

Enkuantu, iha razaun balun ba perguntas hanesan polítika ida inklui maioria husi polisia indika ona katak sira menus ekipamentu, rekruta-tan polísia sei halo a’at tan deit iha tempu badak ida ne’e. Katak (mezmu hasa’e) PNTL seidauk iha treina ne’ebé bo’ot ida no forsa disiplina nomós rekruta tan polísia foun iha sistema ida ne’e, iha ona potensia atu halo a’at kualidade polísia nian. Katak liu husi prioridade primeru investimentu iha treinu no ekipamentu kona-bá ofisiais polísia dadauk ne’e, forsa sei sai efisiente liu la persiza-tan pesoal efetivu.

Relasaun ho kolokasaun polísia ba iha munisípiu no area remota sira, planu estratejiku PNTL ne’e ladun klaru. Pontu importante ne’ebé ko’alia iha relatóriu ne’e kona-bá kolokasaun pesoal polísia nian maka kolokasaun polísia iha Timor-Leste ne’ebé diferente entre munisípiu hotu-hotu. Ida ne’e rasik la problema, enkuantu sidadaun sira iha diretu atu hatene tanbasa polisia sira koloka nafatin no planu kolokasaun ba futuru ne’e oinsa. Mais-menus PNTL tenki ho komprimisu no garante nivel baziku ida kona-bá rekursu umanu no serbisu sira iha munisípiu ida-idak.

Relasaun entre insidente siguransa sira no nivel polísia nian ne’e komplikadu no difisil tebe-tebes, liu-liu iha Timor-Leste, atu halo konkluzaun ruma dadauk ne’e dadus fraku. Mezmu nune’e iha evidensia balun katak númeru polísia aumenta bele halo insidente siguransa tu’un. Pontu importante iha ne’e atu enkoraza PNTL hodi foka enerjia no rekursu sira iha dezenvolvimentu rigorozu dadus estatistika polísia hodi admite ba halo avaliasaun kuantitativu. Avaliasaun hirak ne’e sei informa ho los kona-bá area hotu-hotu husi polítika no estratejia polísia nian, inklui asuntu sira hanesan area sira kona-bá rekrutamentu no alokasaun ba rekursu umanus.

Rekomendasaun

PNTL justifika rekrutamentu kona-bá kandidatu foun sira ne’ebé hatur ona iha Planu Estratejiku PNTL to’o 2018 sei atinji 4800 efetivu.

PNTL haktuir espesifiku oinsa pesoal sira koloka ba munisípiu sira no tarjetu ba reprezentasaun iha area hotu-hotu Timor-Leste nian no garante katak serbisu polísia hotu-hotu bele hetan asesu husi populasaun sira.

PNTL enkoraza atu hasai relatóriu regular no estatistika detalla relasaun ho insidente siguransa (inklui distinge entre tipu kona-bá insidente sira, rezolusaun no seluk-tan) no dadus polísia hodi nune’e avaliasaun bele halo ba efetividade husi implementasaun kona-bá sira nia planu estratejiku.

  

Atu hetan informasaun kle’an liu kona-bá asuntu ne’e bele kontaktu:

Nélson Belo
Diretor Ezekutivu FM
Email: direktor.mahein@gmail.com
Telemovel: (+670) 78316075 no 77561184
Website: www.fundasaunmahein.org