terça-feira, 1 de setembro de 2015

Governu La Iha Kapasidade Dezenvolve Infrastrutura Baziku


DILI - Publiku konsidera governu laiha kapasidade no laiha planu dezemvolve infrastrutura baziku nebe liga direta povu ninia moris, tamba tinan 13 Timor Leste independesia maibe povu kontinua halerik ba infrastrutura.

Tuir Diretur Luta Hamutuk Mericio Akara katak ejekusaun orsamentu ba dezemvolvimentu Infrstrutura nee kiik kompara ho ejekusaun orsamentu ba iha salariu no vensimentu, tamba governu laiha planu no mos laiha kapasidade atu ejekuta orsamentu.

Ita nia governu laiha prioridade no mos la iha kapasidade ejekusaun, inkliu KKN mos impata dezemvolvimentu infrastrutura tamba sira sibuk liu fahe projeitu ba malu no mos fo persentajen ba malu la fokus ho diak,” dehan Maricio ba STL, Segunda (31/08/2015) iha NInia knar fatin, Farol.

Nia hatete Sosiedade Sivil kestiona kada tinan maibe problema maka nee sira laiha kapasidade atu dezemvolve, maske ema hotu hakarak dezemvolvimentu Infrastrutra tenki makas, atu nune povu bele buka moris.

Nune mos Direitor Ajar Jose Luis de Oliveira hatete Kresementu ekonomia boot la refleta ba povu nia moris, tanba kapasidade povu atu kompras sei fraku tebes. Informasaun kompletu iha STL Jornal no STL Web, edisaun Tersa (1/9/2015). Timotio Gusmao

Suara Timor Lorosae

Sem comentários: