TL Mantein Pozisaun Diskute Fronteira Marítima

DILI – Timor Leste kontinua mantein posisaun hodi diskuti linha fronteira liu-liu fronteira maritime hamutuk ho nasaun Indoneisa nomos Australia, maibe too oras nee so Australia mak seidauk iha resposta, Indoneisa pronto ona.

Informasaun nee fo sai hosi Ministru Negosiu Estranjeiru no Coperasaun (MNEC), Hernani Coelho ba jornalista sira iha Palacio Governu, Sigunda (31/08) wainhira remata halo inkontru ho Primeiru Ministru.

Foin lalais nee Primeiru Ministru ba Indonesia no hosi rejultadu vijita nee Indonesia konkorda atu hahu ona halo diskusaun konaba fronteira maritime, no iha fulan setembru nia laran nee ita hahu ona kolia asunu ida nee tanba nee ita sei avansa ho Indoneisa uluk konaba fronteira Maritima ho Australia too agora sira (Australia) seidauk iha resposta mais ita mantein nafatin ita nia posisaun diak liu kolia konaba fronteira martima ho nasuan rua nee,” hatete Hernani.

Nia hatutan Indonesia sei la mete asuntu fronteira maritima entre Timor Leste ho Australia no oras nee dadaun Timor Leste halo hela avaliasuan ba baje linha fronteira maritime, atu nuee bele hare hahu diskute ho ida neebe mak fasil depois kontinua too ida neebe mak difisil tanba ne TL sei halo diskusaun uluk ho Indonesia depois kontinua ho Australia.

Iha fatin ketak tuir Diretor Organijasuan Non Govermental Asosiasaun HAK, Manuel Monteiro, katak tuir sira nia hare durante nee nasaun neebe mak ulun tos liu atu diskute linha fronteira mak Australia. Informasaun kompletu iha STL Jornal no STL Web, edisaun Tersa (1/9/2015). Thomas Sanches

Suara Timor Lorosae