Partisipa Loron Historiku, Taur Aranka ba Xina

DILI - Prezidente Republika Taur Matan Ruak aranka ba Xina hodi partisipa seremonia loron Historiku Xina ninian. Durante loron Haat iha vizita, Prezidente sei hatoo konvite formal ba ulun boot Xina atu partisipa iha seremonia komemorasaun 28 Novembru, nebe sei halao iha Oe-cusse tinan nee.

Tuir Ministru Negosiu Estranjeiru Hernani Coelho katak Prezidente Republika Taur Matan Ruak sei halao vizita ba iha Xina, atu partisipa iha selebrasaun tinan 70 papel Xina ninian iha Segunda Guera Mundial.

Prezidente ba atu partisipa deit no mos halo enkotru ida ho prezidente Xina nian inkliu partisipa iha selebrasaun tinan 70 Papel Xina iha Segunda Guerra Mundial, hotu fila fali mai ona,” dehan Hernani ba Jornalista, Segunda (31/08/2015) iha Palasiu Prezidensial Hafoin Partisipa Enkontru Konseilu Superior Defeza no Seguransa.

Nia hatete Prezidente Sei vizita fatin balun nebe mak interese ba Timor Leste relasiona ho dezemvolvimentu Xina, nebe iha posibilidade fo vizaun balun ba Timor Leste maibe objetivu vizita nee atu partisipa tinan 70 selebrasaun Xina ninian.

Nunee mos Komunikadu Imprensa nebe STL simu husi Media Prezidensia Republika katak Objetivu husi vizita ofsial Xefe Estadu atu Hatoo felisitasaun ba Estadu Popular Xina, iha sira nia komemorasaun loron istoriku hodi Estadu no Governu Timor-Leste nia naran. Informasaun kompletu iha STL Jornal no STL Web, edisaun Tersa (1/9/2015). Timotio Gusmao

Suara Timor Lorosae