Governu prepara komemorasaun tinan 500 bainhira portugés sira to‘o

Semana ida ne’e governu analiza hela programa atividade sira ne’ebé hato’o ona ba komemorasaun iha finál tinan ne’e, tinan 500 hosi "Afirmasaun Identidade Timoroan nian", ne’ebé marka kona-ba navegadór portugés sira to’o ba territóriu.

Proposta programa ne’ebé aprezenta semana ida ne’e hosi ministru Administrasaun Estatál no prezidente komisaun organizadora hosi festeju ne’e, Dionísio Babo, ho Governu hodi esplika katak sei foka ba iha fulan-novembru no, liuliu ba iha enclave Oe-Cusse, fatin ne’ebé portugés sira to’o uluk.

Proposta ne’ebé analiza ona iha reuniaun Tersa hosi Konsellu Ministru sira, prepara ona hosi komisaun organizadora ne’ebé kria ona, hosi dekretu governamentál, 14 abril liuba.

Konforme governu esplika katak iha komunikadu – ne’ebé la esplika klaru kona-ba kualkér informasaun hosi ajenda atividade sira – serimónia sira "presiza dignifika istória no prosesu konstrusaun identidade timoroan nian, nune’e mós valoriza demokrasia, polítika no unidade nasionál".

Kestaun ne’e marka ona ajenda atividade nian ida hodi fó hanoin "abordajen istórika, kulturál inteletuál" hosi aniversáriu ne’e.

Rezolusaun ne’ebé maka komisaun organizadora kria hodi lembra katak komemorasaun sira sei iha ninia pontu importante iha loron 28 novembru, data ne’ebé marka mós tinan 40 hosi deklarasaun independénsia Timor-Leste.

"Komemorasaun ida ne’e, fó hanoin hikas fali, sai mós hanesan pontu partida hodi komemora navegadór no misionáriu portugés sira to’o ba Lifau, Oe-Cusse Ambeno, no reprezenta hanesan marka istóriku iha afirmasaun identidade foun timoroan nian no iha konstrusaun Timor-Leste", esplika Governu.

SAPO TL ho Lusa - Foto: Samuel Soares @SAPO TL