FRETILIN Konsidera Proposta Lei Xefe Suku Anti Demokrasia

DILI - Vice Prezidenti Bankada FRETILIN deputadu Fransisco Miranda Branco, konsidera proposta lei eleisaun suku anti demokrasia, tanba povu la hili direita nia xefe suku, maibe konsellu suku mak hili fali xefe suku.

Tuir deputadu Francisco Branco katak, proposta lei governu nian nee iha tendensia fila-fali ba tempu liurai sira uluk, no la respeita vontade povu nian atu hili nia xefe suku.

Proposta de lei ne’ebé mai husi governu, ba Fretilin ladun diak, ladun diak tanba, lei ne’e anti demokratiku tanba partidu la partisipa I konsellu de suku mak hili fali xefe suku,” dehan Branco.

Lei nee mak implementa duni, Branco dehan, kargu xefe suku ladun metin, tanba ema nain 12 mak deside, sekuandu too iha dalan klaran xefe suku nee halo buat ruma ladiak, entaun sira 12 bele hatun fali.

Entertantu Xefe Suku Taituda Aquelino D. C. Fernandes kontra makas lei ne’e tanba uluk povu funu kontra sistema liurai uluk nian ka sistema ida hili malu, agora ukun hakarak implementa fali. Informasaun kompletu iha STL Jornal no STL Web, edisaun Kinta, (3/9/2015). Carme Ximenes

Suara Timor Lorosae