PRATIKA MAKELAR

Jornal Nacional, editorial

Durante nee governu halo esforsu atu oinsa bele konkista konfiansa investedor internasional sira mai investe iha Timor Leste. Atu hafasil dada investedor interenasional sira nee mai investe iha rai laran nee meus barak governu tenta ona, li-liu lei investimentu nian, abaixa taxas investimentu nos mos lei sira iha relasiona ho investimentu.

Nudar país foun, presiza investmentu atu bele loke empregu ka kampo servisu ba timor oan sira hodi nunee bele governu hamenus desempregu iha Timor Leste nebe sai preokupasaun governu no sosiedade.

Investidor sira kuandu halo investimentu, investe ho konsiensia,base uportunidade investimentu, pontensia ekonomia nasaun nian, seguransa no mos pontensia merkadu tamba investimentu nee lori tempo, gasta osan barak. Tinan 13 ona Timor Leste restaur independensia, maibe kompañia internasional sira nebe investe iha Timor Leste nee sei bele sura ho liman fuan. Maioria kompanhia internasional sira nee mai investe iha lahan basa, konstruksaun, buka projetu estadu nian, hadau malu projetu ho kompañia lokal sira.

Investementu estranjeirus nian nebe bele dehan, iha telekomunikasau sira, Timor Telekom, Telemor, Telkomcel, nunee mos barak iha hotelaria, transporte aeros, area maritima, seidauk iha investementu ida konaba bebidas no mos sasan konstrusaun. Problema nebe halo ema estranjeiru sira la mai investene tamba problema makelar ka broker nee mak halo ema senti tauk, kuandu mosu ona makelar ka broker mak sei mosu kompetisaun nebe la saudavel.

Agora duvida mak semak gosta pratika makelar ka komete broker? Empresariu nasional sira? Povu simplis, membru governu ka deputado sira?. Empresario nasional nee laos makelar maibe kooperasaun negosiu.

Karik deskonfiansa sosiedade sivil nian katak membru governu ka deputadu sira mak pratika fali makelar ba projetu estadu nian nee bele hafraku prosesu dezenvolvimentu iha país nee. Maneira sira hanesan nudar ezemplu at nebe membru governu ka deputadu sira iha parlamentu nasional sira komete. Pratika makelar ka broker nee faz parte Korupsaun tamba deputado sira nudar fikalizador projetu estadu nian sei halao sira nia knar ho diak tamba sira mos hola parte prosesu tan nee labele kritika, ka halo fiskalizasaun ida nebe diak.

“Deputadu ida iha amigu empreza bo’ot ida iha Jakarta, entaun nia ba halo vizita estudu ida iha Singapore durante loron lima, maibé dalaruma loron ida deit iha Singapore, loron hat iha Jakarta hodi kontakta emprezariu bo’ot ne’e iha Jakarta, hodi tulun projetu ZEESM hodi hetan kompañia bo’ot, ida ne’e lalos ona, tanba loron lima, nia manan perdiam Singapore nian,” Tilman. Agora kestaun mak iha ona lei hodi kontrola broker sira nee ka lae? Komisaun Anti Korupsaun iha kompetensia atu halo investigasaun ka lae?. Ho problema sira nee hotu, ohin loron lei anti korupsaun parlamentu la deskuti tamba lei nee atu regula hahalok sira nee hotu. Nebe diak liu buka lai uportunidade duke kesia an rasik. Neebe diak liu publiku mak tenki ejiji, lei Antikrupsaun nee mak tenki aprova lalais atu bele kontrola korupsaun sira hanesan nee. *

Jornal Nacional