Joventude Triste la Asesu Informasaun Canal RTTL.ep ba Jogu EURO Cup liu husi

KLEJOTAMO

Klibur Estudante no Joventude Tapo/Memo-Oan

Posto Administrativu Maliana, Munisípiu Bobonaro

KOMUNIKADU IMPRENSA

Komunidade no Joventude Triste la Asesu Informasaun Canal rttle.p

ba Jogu EURO Cup liu husi Antena babain

Bazeia ba ami nia peskiza no monitorizasaun durante semana rua nia laran, mídia nasional ne’ebé hala’o transmisaun direta (live)ba jogo EURO Cup iha França ne’ebé fó sai liu husi mídia nasional rádio e televisão de Timor Leste – rttle.p katak sei kobre hotu signal canal rttle.p nian ne’e ba Posto Administrativu, no Munisipu hotu iha teritoriu Timor-Leste. Maibé ami ejize la’os tamba deit jogo EURO Cup, maibé povu iha area rural mos presiza asesu informasaun liu husi canal rádio e televisão Timor Leste. Maibérealidade ne’ebé mak akontese iha suco izoladus liu la asesu signal canal  rttle.p no jornál diária sira.

Iha ne’ebé suco balu la asesu signal canal rttle.p mak hanesan Posto Administrativu Maliana iha Suco Tapo/Memo, Suco Saburai, noPosto Administrativu Lolotoe iha Suco Mape, ho Suco sira seluk tan iha Munisipiu Bobonaro no Munisipiu sira seluk. Tinan ida ne’e 2016 durante jogo EURO Cup iha França komunidade no joventude Tapo/Memo asesu fali signal canal nasaun China nian liu husivenus parabola. 

Realidade ida ne’e mak akontese duni durante tinan 5 nia laran hahu husi Copa Mundial 2006, Copa Mundial 2010, EURO Cup 2012, no EURO Cup 2016 ami suco refere la hetan signal canal rttle.p. Ho ida ne’e ami Klibur Estudante no Joventude Tapo/Memo-Oan nia observasaun durante ne’e katak antena ou (pemancar) ida uluk tempu Indonesia nia tempu monta iha pemancar Maliana ne’e la kobre hotu suco balu ne’ebé maka besik Postu Administrativu Maliana, Posto Administrativu Lolotoe, iha Munisipiu Bobonaro.

Tan ne’e ami Klibur Estudante no Joventude Tapo/Memo-Oan, hamutuk ho Suco Saburai no Suco sira seluk halo rekomenda ba rttl.ep maka tuir mai ne’e:

1.      Rekomenda ba Prezidente rádio e televisão de Timor Leste – rttle.p, Milena Soares Abrantes atu hare  lalais failansu sira ne’e iha baze, labele buat hotu capital Díli deit.

2.      Rekomenda ba ekipa teknika rttle.p nian hodi tun ba baze hodi monitoriza fatin ne’ebé maka bele asesu hotu signal rttle.p no ba futuru oin mai la bele akontese tan failansu hanesan ne’e.

3.      Rekomenda ba Secretario Estado Comunicação Sosial, Nélio Issac atu hare asuntu refere ne’ebé mak ami kestiona iha leten kona-bá antena ou (pemancar) iha kada teritoriu Timor-Leste tenke hadia halo ho kualidade diak liu tan iha futuru mai.

Atu hetan informasaun klean liu kona-bá asuntu ne’e bele kontaktu;

Moises Vicente, Abrão Gomes, Klaudino Kolo, Roque Afonso, no Isabel Gomes

Porta-Voz Tapo/Memo-Oan, +670 77291406, +670 77369706