Tenki aumenta mobilidade universitáriu nasional no internasional

Mobilidade universitáriu iha nível nasional no mós internasional tenki aumenta, liuliu ba alunu no dosente sira, aposta iha kolaborasaun iha projetu sira investigasaun nian no hametin asesu ba rekursu sira, hatete hosi eis-prezidente Parlamentu timoroan nian.

"Hanesan importante regular situasaun balun no hametin efetivasaun boot hosi relasaun mútua no mobilidade nian, harii programa ida hanesan entre nasaun sira CPLP nian ho Makau", defende hosi Francisco Guterres 'Lú-Olo'.

Atuál prezidente Fretilin nian hanesan konvidadu honra ida iha abertura ba reuniaun dala 26 hosi Asosiasaun Unviersidade sira Lian Portugés nian (AULP), ne'ebé hala'o to'o loron-sesta iha Díli no marka prezensa hosi reprezentante sira hosi instituisaun sira ensinu superior no investigasaun nian hosi nasaun luzófonu sira no hosi Makau nune'e mós hosi nasaun sira seluk iha rejiaun.

Iha nia intervensaun nia defende ona reforsu ida iha mobilidade entre instituisaun sira ensinu superior nian iha Timor-Leste no mós, iha nível internasional, iha nível luzófonu, hodi potensia ensinu portugés.

Nia subliña katak tenki hametin interkámbiu dosente sira no alunu sira no uniaun hosi esforsu hosi universidade timoroan sira hodi harii "Sentru Rekursu Nasional" ida ne'ebé bele halibur "serbisu no material sira" ba apoiu iha área tomak ensinu superior nian.

Nia hatete katak sentru ida ne'ebé bele halibur biblioteka nasional ida, instalasaun desportivu sira, repozitóriu komun ida, laboratóriu sira no serbisu sira seluk.

Iha koperasaun internasional, Lu-Olo defende mós programa regular sira no intensivu sira hosi "interkámbiu hosi dosente sira", hametin "relasaun mútua no mobilidade" no asesu maka'as ba programa sira ensinu no investigasaun nian.

Trata-se, sublinhou, de conseguir nos dois casos ir além do intercâmbio de alunos, fomentando outras áreas de cooperação e colaboração que ajudem a fortalecer todas as entidades.

Iha abertura ba enkontru AULP nian, anfitriaun, Francisco Martins, reitór hosi Universidade Nacional Timor Lorosa'e (UNTL) fó hanoin importánsia hosi kolaborasaun entre entidade sira hosi ensinu superior luzófonu sira, hodi haree ba dezafiu sira ne'ebé nasaun sira sei hasoru.

Oportunidade barak hodi harii liután "diversidade hosi oportunidade sira", hodi tulun dinamiza, ajiliza no fasilita prosesu sira, hodi halo sai simples prosesu adminsitrativu sira hosi universidade sira no mós iha aspetu oioin hosi ensinu no investigasaun nian.

"Dezenvolvimentu sustentável inklui kresimentu ekonómiku maibé mós inkorpora kapital intelektual ne'ebé kompostu hosi koñesimentu, informasaun no esperiénsia, iha agregady ida ne'ebé bele halo rikusoin", nia hatete.

Martins destaka ona liuliu kestaun hosi formasaun iha lian portugés, "halo hosi portugés lian ida ensinu nian hosi siénsia no teknolojia" iha Timor-Leste hamutuk ho dezenvolvimentu hosi tétun.

Enkontru AULP nian sei hala'o to'o loron-sesta.

SAPO TL ho Lusa