Kompana
ne'ebe kaer husi veteranu sira kontra ho lei foun husi governu ne'ebe hatete
katak kompana ne'ebe hakarak atu kaer projetu tenke tuir korkursu. Imajen ne'e
hatudu prosesu instalasaun eletrisidade.
DILI: Desizaun
governu atu Kompaña sira ne’ebé kaer husi veteranu sira tenke tuir konkursu
hodi bele kaer projetu ida hamosu reasaun kontra. Veteranu sira hakarak atu
hetan projetu la liu husi konkursu.
Iha
Sesta (16/12), reprezentante veteranus hasoru malu ho Prezidente Repúblika Taur
Matan Ruak hodi hato’o sira-nia protesta ba lei foun ne’ebé governu kria.
"Altura
ne’eba ita-nia Sekretariu Estadu Eletrisidade rasik mak promete ba ami katak
hothotu sei hetan (projetu)", deklara Portavoz Veteranus, Jaco Vorreia ba
jornalista sira hafoin hasoru malu ho PR Taur iha Palasiu Prezidensial,
Aitarak-Laran, Dili.
Nia
dehan, ba projetu instalasaun eletrisidade iha Timor laran tomak, kuaze 80%
hala’o ona husi Kompaña ne’ebé la’os mai husi veteranus, no menus husi 20%
promete ona ba veteranu sira mak sei kaer.
Jaco
konsidera governu haluha ninia promesa.
"Ami
deve osan mak sosa material sira ne'e, agora tenke tuir fali konkursu, ne'e
governu halo injustisa ba veteranu sira", Jaco hatete.
Entretantu,
Prezidente Repúblika Taur Matan Ruak promete atu fó atensaun ba kestaun ne’e no
sei ko’alia ho Primeiru Ministru Rui Maria de Araujo, tanba konsidera ida ne’e
hanesan asuntu seriu. (*)
Tomé
Amado – Ola Timor - Editór: Tellukoro (FOTO: detik.com)
Sem comentários:
Enviar um comentário