DILI,
(ANTIL) - Atu hakbesik dadaun ona ba loron Natál, Primeiru-Ministru
(PM), Rui Maria de Araújo, hodi VI Governu Konstitusionál nia naran hato’o
votus Natál Santu, dame no ksolok ba timoroan ida-idak no umakain timoroan
hotu-hotu namkari lemorai iha Timor-Leste nia laran nomós iha tasi balun.
“Hein
katak mensajen dame no esperansa natál nian leno ita hotu atu tama ba tinan
2017 ho espíritu no dispozisaun foun hodi enfrenta dezafiu ne’ebé konstrusaun
estadu no nasaun aprezenta mai ita hotu”, PM dehan iha Palásiu Governu, Sesta
(16/12/2016).
Primeiru
Ministru fo aatensaun ba sidadaun hotuk katak, tinan 2017 povu Timor-Leste sei
hili filafali tirulár no órgaun soberania sira ne’ebé sei kontinua lidera
prosesu konstrusaun Estadu no nasaun iha tinan lima oin mai, liuhusi eleisaun
prezidensiál no parlamentár.
VI
Governu Konstitusionál halo mós votus atu povu Timor-Leste tomak liuhusi
prosesu demokrátiku ida ne’e, iha dame no ksolok nia laran hodi nune’e bele
hametin liután pás no estabilidade nu’udar kondisaun importante ba
Timor-Leste ninia dezenvolvimentu sósiu-ekonómiku no ba moris di’ak
timoroan ida-idak no umakain ida-idak iha Timor-Leste nia laran tomak.
“Natál
Santu no tinan foun kmanek mai ita hotu”, PM hato’o. (Jornalista : Maria
Auxiliadora/Editor: Otelio Ote)
Foto: Primeiru-Ministru,
Rui Maria de Araújo. Foto Espesiál.
Sem comentários:
Enviar um comentário