Governu Sei Reduz Labarik Idade Monoria Involve Traballu Infantil

DILI – Governu liu husi komisaun labarik no komisaun traballador infantil sei buka reduz numeru labarik idade monoria involve iha traballu infantil, tanba labarik, labele involve iha servisu todan.

Tuir Diretor Jeral Jestaun i Planeamentu SEPFOPE Jacinto Barros Gusmao hatete, traballu infantil nee bainhira haree labarik sira servisu iha industria, i servisu nee iha ema mak obriga tanba deit nesesidade ekonomia uma laran, ida nee mak kategoria traballu infantil, maibe iha Timor nee dala ruma haree inan aman iha toos mak oan sira sai eskola lao tuir ba ida nee ema hatete katak traballu infantil nee lae, maibe mos governu sei buka atu redus.

Haree ba ita nia traballador infantil iha 2010 forsa traballu ita halo ona neebe kuaze iha rihun atus ida haat nuluh mak hatete traballu infantil, maibe governu liu husi komisaun labarik nian no komisaun traballador infantil agora buka para oinsa atu redus husi husi numeru nee iha tinan agora no ba oin,” katak Jacinto ba STL Sesta (16/12/2016) iha salaun Delta Nova.

Nia hatete, dala ruma iha ema nia rain labarik minoria servisu iha industria nee bele kategoria hanesan minoridade, maibe dalaruma iha Timor-Leste oan sira sai eskola uma hahan iha uma laiha, tanba inan aman iha hela toos laran, entaun labarik sira ba buka tuir inan aman iha too laran, maibe dala ruma ema kategorai ida nee tama iha traballador infantil, maibe ida ne laos kategoria iha infantil.

Iha fatin ketak husi Parte Akademika IOB Isabel Ximenes hatete katak, haree ba labarik kiik ou labarik sira neebe mak ho idade minoria halao sira nia negosiu, hodi fasilita sira nia eskola ou sira nia nesesidade, nee ladun furak, tanba bainhira labarik sira halao negosiu dala ruma sira ladun aproveita diak sira nia estuda. Informasaun kompletu iha STL Jornal no STL Web, edisaun Sabado (17/12/2016). Guilhermina Franco/Jacinta Siqueira

Suara Timor Lorosae