domingo, 9 de abril de 2017

Taur Konsidera Dezenvolvimentu TL Kria Gep Riku-Kiak

PARTILHAR
DILI - Modulu Dezenvolvimentu iha Timor Leste neebe governu kria durante ukun aan, hamosu gep entre kiak no riku iha Timor Leste tamba prosesu dezenvolvimentu ladun involve povu.

Tuir Prezidente Republika Taur Matan Ruak katak Dezemvolvimentu iha Timor Leste oras nee depende mina, kuandu hotu Timor oan sira sei oho malu, osan neebe mak iha gasta too tinan 10 hotu ona tamba kada tinan gasta billaun ida ba leten.

Taur hatete nia diferensia ho lider politiku sira seluk mak modelu dezenvolvimentu no modelu sivilizasaun tamba nee presiza hadia modelu dezenvolvimentu neebe oras nee lao iha Timor Leste.

Tuir hau nia hare modelu Dezemvolvimentu agora ita sei kria gep boot ida entre riku ho kiak se ida nee ba oin nafatin, estadu iha klaran riku leten, kiak iha kraik,” dehan Taur hodi hatan Prekupasaun Estudante Universidade Dili durante sesaun husu no hatan  durante vizita Sesta (07/04/2017) iha Edifisiu UNDIL,Mascarinhas.

Nia hatete buat neebe oras nee akontese kiak hakarak atu sai riku tenki halo komprimisiu, maibe riku nee familia estadu nian,  sa tan prosesu dezenvolvimentu neebe lao konsentra iha  Dili, Oecuse no Suai deit.

Iha fatin hanesan estudande Fakuldade Siensia Politika, UNDIL Yohanes Ximenes da Silva preokupa liu-liu kona ba rai sira neebe mak abonda barak susar atu responde ekomonia sustentavel. Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: