sexta-feira, 23 de junho de 2017

OJE 2016 Lakon 18 Miloens Ho Misteriu

PARTILHAR
DILI – Reprezentante povu iha uma fukun Parlamentu Nasional (PN) hakfodak ho relatoriu husi Komisaun Anti Korupsaun (KAK), neebe aprezenta foin lalais nee, katak Orsamentu Jeral Estadu (OJE) tinan 2016 hamutuk 18 miloens mak lakon ho misteriu tanba povu lahetan benefisiu.

Tuir Prezidente Global Organization Of Parlamments Against Coorruption (GOPAC), Francisco Miranda Branco katak, nee relatoriu husi Komisaun Anti Korupsaun iha tinan 2016, foin lalais nee Komisaun Anti Korupsaun (KAK) aprezenta.

“KAK nia relatoriu foin dadauk 2017, halo relatoriu konaba atividade 2016 hetan, osan estadu lakon 18 miloens de dolar,” dehan Francisco liu husi diskursu iha atividade sosializasaun informasaun HIV-SIDA ba estudante sira iha eskola Externatu São Jose, Delta-Dili, Sesta (23/06/2017).


Francisco haktuir, osan lakon 18 miloens nee tanba impaktu husi hahalok ema nian halo korupsaun hodi fo impaktu negative ba dezenvolvimentu nasional halo povu kontinua moris kiak no mukit nia laran.

Francisco sujere ba Timor oan hothotu katak, tempu too ona, fo liman ba malu atu luta kombate korupsaun iha Timor Leste, ho osan neebe povu nian bele gasta, maibe ba moris povu nian, laos ba grupu ida deit.

Entertantu, Observador Politika-UNDIL, Francisco Mausoro dehan, kadatinan Parlamentu Nasional aprova ho orsamentu neebe mak boot, maibe povu kontinua lasente benefisiu husi dezenvolvimentu. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: