quinta-feira, 22 de junho de 2017

Hili Partidu Vizionariu Libertasaun Povu

PARTILHAR
DILI – Iha loron 22 Jullu mai, povu Timor Leste laran tomak tantu iha rai laran no mos rai liur, hili partidu ida neebe ho vizionariu entermus programa diak ba libertasaun povu laos hili partidu neebe mak hariku-an pesoal no grupu deit.

Tuir Reprezentante Programa Oficer AJAR, Inocencio Xavier hatete katak, partidu hothotu iha Timor Leste diak hotu maibe ida neebe mak liu bareira 4% nee povu mak deside tanba nee povu tenke hili partidu vizionariu ba libertasaun povu.

Hili partidu ida neebe mak iha duni vizaun, laos tanba figura, maibe iha duni vizaun ida atu lori duni prosesu libertasaun total i kompleta ba povu,” dehan Inocencio ba STL iha nia knar fatin, Farol-Dili, Kinta (22/06/2017).

Inocencio haktuir, se povu hakarak kontinua depozita konfiansa nee ba partidu haat iha asentu Parlamentu Nasional hanesan CNRT, Fretilin, PD, FM nee desizaun iha povu nia liman. Inocencio argumenta, ida nee auto refleksaun ida, intrepreta Konstituisaun Republika Demokratika Timor Leste ida nee mak koalia konaba poder politika iha povu nia liman, povu mak sei halo nia politika iha eleisaun.

Iha fatin ketak, Observador Politika-UNDIL, Francisco Mausoro esplika, partidu politik hamutuk 21 mak kompete iha eleisaun parlamentar ida nee maibe desizaun iha povu nia liman se los mak atu tur iha parlamentar. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: